» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر حمزة السماوي
    16/02/2017م - 8:32 م | عدد القراء: 1401

    البقيع


    يالما تشوفك عين...هالليلة رايح وين

    يا موعود يا موعود

     

    اسنين عمرك وردة عاشت بالمقابر...من بلد لآخر بلد روحك تهاجر

    بالبقيع اليوم تنحب شنهو صاير...من بعد عاشر محرم هذا عاشر

    يا صاحب الثارات...تتنفس الحسرات

    يا موعود يا موعود

     

    انهدمت اقبور الحبايب و انت يمهم...من عله القبة شفت طيحت علمهم

    الكون خاتم بين ايديهم لا يهمهم...علي والدهم فخر و الزهرة أمهم

    ما داعي تبجي ادموع...عالقبر صرنه اشموع

    يا موعود يا موعود

     

    كل كلام ابغير صوتك عدنه سكتة...أكثر احجاية حجيناها احنه يمته

    و الله كل شيعي الك ناذر مهجته...بالدمه نبني البقيع و تشهد انته

    ما تبقه كل اجروح...حكم السقيفة ايروح

    يا موعود يا موعود

     

    ثورة الحق جلمة بلسان الغيارة...احنه منك ننتظر بس الإشارة

    البقيع ابلحظة وحده ايرد مزاره...يوصل الآخر سمه طول المنارة

    و القمر ياخذ نور...ينزل نشوفه يزور

    يا موعود يا موعود

     

    يا صلاة الليل تتوضه بدموعك...ادعي ربك يالغبت يمته ضلوعك

    أمك ابكل لحظة تترقب رجوعك...و الألم بضلوعها نفسها بضلوعك

    كسر الضلع تذكار...كتبت عله المسمار

    يا موعود يا موعود

     

    ادعي ربك سيدي بهاي المسية...تخلص الغيبة و ترد للجعفرية

    هجمة وحده نهجم اعله الناصبية...و البقيع انريده برض الغاضرية

    ما يبقه أبد بالكون...كل ناصبي و ملعون

    يا موعود يا موعود



    موقع القصائد الولائية © 2004 - 2013