فاطمه و أربع رسالات و نبي...محور الدنيه و حضارات مذهبي
احنه ما نعبد حجر...كل قبر يحمل أثر...نبي
تتنفض بيه المواجع و أنفض اثياب الصبر...و أنتقل لرض البقيع بدمعي و بدمع الفجر
روحي أشبه بالحمامة اتحوم من قبر القبر...كل قبر يشرح جريمة من عصابات الغدر
يا محمد انت شاهد عالحصل...ذوله ما رادوا نبي رادوا هبل
تبقه حجة اعله البشر...كل قبر يحمل أثر...نبي
جعفر و أم البنين الباقر و جده الحسن...يم عليل العطف مراكب بالحزن و الهم رسن
ملتقه أرواح الحزينة صّبحن يمه و مسن...طول الموعد علينه و يقرب الموعد عسن
يا عظيم و يا مُهيمن يا ملك...انتقم من الوصف حبنه شرك
خل يعرفون الخبر...كل قبر يحمل أثر...نبي
هذا قرآن البدينه من نبوسه اشنعتقد...احنه نعلم من خلاله الله يحجي اويه العبد
يعني من انبوس قبره البلقبر ما ينعبد...لكن الضحه بضحياته لجل دينه ينقصد
أولياء الله و زيارتهم فرض...ندري لولاهم فلا صارت أرض
و اليعاندهم خسر...كل قبر يحمل أثر...نبي
همه أنوار الولاية الما يطفيهم حسد...من عرفناهم عرفنه قل هو اللهُ أحد
احترام الميت عدنه من أصول المعتقد...ينبني قبره و نزوره قربة للواحد أحد
طابت أنفاسه القصد قبر الولي...يعني من يوصل يشم ريحت علي
و القصد حج و اعتمر...كل قبر يحمل أثر...نبي
سلطة أهل الجهالة و حاربت أهل العلم...تبتدي سلطة حكمها مهزلة و غدر و شتم
جم إمام انباح دمه و تالي قبره ينهدم...يستحي التاريخ منهم و الله ما بيهم زلم
و الله لا ما أسلموا بل سلّموا...شافوا الفقار يرعد و أذعنوا
عالنبي جانوا ضرر...كل قبر يحمل أثر...نبي
بغضاً بحامي الحمية يستمر هذا الفعل...وسفه و اولاد الزجية خلّصوا سم و جتل
و الدليل اعله الجريمة بكربله ذبحوا طفل...و الأخذ زينب سبية عنده عله بالأصل
حقدوا اعله أم البنين و عالنسب...و اختفه قبر الزجية الهالسبب
و الحقد هذا استمر...كل قبر يحمل أثر...نبي
من أزور حسين أنظر حرمة مكسورة قلب...أم قمر عباس هاي و ملت من أرض الغرب
يبني يالمقطوع نحره اتصيح و المدمع يصب...ها يمهدي الثار عجّل و اعلن عليهم حرب
بالبقيع اتأذن آذان النصر...خلفك انصلي تمام و مو قصر
و اصرخ بوجه الدهر...كل قبر يحمل أثر...نبي
من تدق بيبان جرحي تفزع الغيرة دمع...كل قبر مهدوم أشوفه بكربله باب و ضلع
لا تظن أنسه و أسامح و أقبل بهذا الوضع...طلعت المهدي قريبة و انتظر يوم الفزع
راية المهدي ترفرف عالصحن...هم مثلنه اتصيح وين ابن الحسن
تنتظر يم النهر...كل قبر يحمل أثر...نبي
