» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر حمزة السماوي
    19/02/2017م - 7:57 م | عدد القراء: 21304

    ملا باسم الكربلائي


    آنا خايف...صدري ما يشبع لطم قبل المنية

    آنا خايف...بالقبر ما كو ليالي فاطمية

     

    عله افراش الموت و بروحي أنازع...اتجمعت كل الأهل يمي أباوع

    بالمجالس راح عمري و ما هو ضايع...أثر لطمت صدري ظلت عالأصابع

    آنا خايف...عالمغيسل و الدفن أنسه الرزية

     

    ابيا حسين الصرخة هذي شيعّوني...للنجف أحبابي بالمدمع خذوني

    و بتراب اللحد لمن وسّدوني...هم راحوا و آنا تتلفت اعيوني

    آنا خايف...خوف حسرة ما زرت قبر الزجية

     

    بالقبر صوت اسمعت و ادموعي تجري...هذا منكر حچه اذنوبي بوسط قبري

    قلت له ما جاوب و لا تسمع لي عذري...ها دخيلچ بهالشدة احضري

    آنا خايف...خاف ما تشهد عله اللطمه ايديه

     

    إجت حرمة امحدب من الهم ظهرها...تقعد و تنهض و محنية بكسرها

    سامع الزهراء ماتت في زغرها...امشيبة بالستين شو هسه عمرها

    آنا خايف...تتعب أم الحسن من تحضر إليه

     

    اتقلي انت الما عفتني و ما أعوفك...عالصراط بإيدي راح ألزم جفوفك

    يالبچيت اعله الضلع ما داعي خوفك...چنت من تقره و تون بعيوني أشوفك

    آنا خايف...ونتي اعله الزهرة ما جانت شجية

     

    اضمنت جنة ربي و بحبكم أنافس...جنة ما بيها لطم ما بيها واهس

    ما يموت العاش عمره بالمجالس...مثل عابس بالحشر مليون عابس

    آنا خايف...أفتقد بالجنة جوكات العزية

     

    من بعد هذا الحجي انجبرت خواطر...موكب ابقبري بنيت و قلبي حاير

    وجهت دعوتي السكان المقابر...الجفن أبيض حته أطبّر يوم عاشر

    آنا خايف...عله الزهرة من يمر طاري رقية



    موقع القصائد الولائية © 2004 - 2013