» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر الأديب الحاج جابر الكاظمي
    30/03/2017م - 8:52 ص | عدد القراء: 2809

    الشاعر الاديب جابر الكاظمي


    يا موعود...يمته اتعود.....يمته اتعود...يا موعود

    يومك نظل ننتظره...لا تنسه ضلع الزهره

    يا موعود يمته اتعود

     

    يا يوم يالمحجوب شمسك تظهر...تصرخ بصرخه من القلب تتفجر

    بالضلع ابدي و صيح ليش اتكسر...و يا سبب باب الدار ظلت تسعر

    تسعر نار...باب الدار......باب الدار...تسعر نار

    نار و تظل مستعرة...لا تنسه ضلع الزهرة

    يا موعود...يمته اتعود.....يمته اتعود...يا موعود

     

    صوت المصيبة الفاطمه ينعاها...و الدهر بهموم و حزن خلاها

    هاي المحن فكرك يعيش اوياها...و فاجعة محسن ما أظن تنساها

    عالمصيوب...قلبي ايذوب......قلبي ايذوب...عالمصيوب

    اطلب بثار العترة...لا تنسه ضلع الزهرة

    يا موعود...يمته اتعود.....يمته اتعود...يا موعود

     

    هاي الغصص وياك عاشت أعوام...و عالفرج يبن الحسن تحسب أيام

    ما نفذ صبرك من لهيب الآلام...يا يوم تسرج خيلك اعله الظلام

    بس النوح...للمجروح......للمجروح...بس النوح

    يالصابر اعله الجمرة...لا تنسه ضلع الزهرة

    يا موعود...يمته اتعود.....يمته اتعود...يا موعود

     

    يا صابر الما صبر مثلك أيوب...حزنك أشد من حزن لوعة يعقوب

    عالثار يبن الحسن تصبر جم دوب...و الأمل يم سيفك يظل يالمحجوب

    وعدك حان...عالعدوان......عالعدوان...وعدك حان

    هالكسر يصعب جبره...لا تنسه ضلع الزهرة

    يا موعود...يمته اتعود.....يمته اتعود...يا موعود

     

    عن هالضلع لو ردت تاخذ أخبار...انشد و اخذ هالخبر من المسمار

    يروي لك اعله الزهرة يالمهدي اشصار...يوم الذي هجموا القوم اعله الدار

    وعدك طال...شنهو الحال......شنهو الحال...وعدك طال

    و انحشمك بالعبره...لا تنسه ضلع الزهرة

    يا موعود...يمته اتعود.....يمته اتعود...يا موعود

     

    ثارين عندك واحد ابدفع الباب...و الثاني دم اللي نزف بالمحراب

    اقصد الكوفة و انشد اعله الأسباب...و اسألها ليش المرتضه راسه انصاب

    عالثارين...تجري العين......تجري العين...عالثارين

    و من تنشد اعله الطبره...لا تنسه ضلع الزهرة

    يا موعود...يمته اتعود.....يمته اتعود...يا موعود

     

    بس عالضلع أشرح إلك هذا اليوم...ما أريد أضيف أكثر مصايب و هموم

    ما أذكر امصاب الغريب المظلوم...تعلم و تدري اشعلمت اوياه القوم

    ثار حسين...أصبح وين......أصبح وين...ثار حسين

    لا تنسه قطعت نحره...لا تنسه ضلع الزهرة

    يا موعود...يمته اتعود.....يمته اتعود...يا موعود



    موقع القصائد الولائية © 2004 - 2013