» بِالرّوحِ أَفْدِي و الْبَدَن...أَبَا الْحَسَن أَبَا الْحَسَن  » جرحك نهر يا حيدر...و السم رسه إعله إجروفه  » يمك نزل يبن الحسن و ينادي جبريل  » رايح يالحبيب...عن عيني تغيب...يا أصعب وداع  » يا حيدر يا حيدر...رجعت خيبر يا حيدر  » يا حبيبي يا علي...نورَ عيني يا علي  » قِبْلَةَ آمَالِي يَا حَيْدَر...أَنَا عَبْدَكَ أَبْقَى لِلمَحْشَر  » نهتف يا علي...انت الولي...و بالشدة تحضر  » ودعتني ابلا خبر...لو حجر ذاب الحجر  » يا علي غيرك فلا والينه  

  
  • أضف الموضوع


  • الشاعر السيد عبد الخالق المحنّه
    17/05/2017م - 12:45 ص | عدد القراء: 756

    السيد عبد الخالق المحنة


    أدري صعبة و غلاتج...و البقية بحياتج

    ما ظلت أعجوبة...محسوبة...مكتوبة...الله و رادته

    و الباري يرعانه...مشّانه ويّانه...عمي و رايته

    أدري صعبة و غلاتج...و البقية بحياتج

     

    هذا ديدان الأسود و موت الرجال...حته من اتموت هم اتموت الأبطال

    عمه ما تحني العواصف ظهر الجبال...شيلي راسج للسمه انتي و العيال

    صح ايدينه امقيدة يا عمه بحبال...بإستطاعتنه يعمه انغير الحال

    خلي ايدج بيدية...تنقلب ضد أمية

    يا عمه ابديها...اوديها...سمّيها...ثورة اعله الشمر

    حته البشر ينصف...ما يحرف...خل يعرف...فعل أم الخدر

    انتي سيفج عباتج...و البقية بحياتج

     

    عمه صح آنا عليل و ضايع ادواي...بس أنا عندي عصاتي و انتي وياي

    صح كليم الله بعصاته يشطر الماي...أقدر أشطر هالأرض ما ردت هاي

    صح سبونه و عذبونه و الحجي اهواي...و الذبح سبط النبي بضعوني حداي

    بس و حقج نذلهم...و الخزي يبقه إلهم

    و احنه نظل عالي...للتالي...و الوالي...يبقه حيدرة

    و الكافل ايراقب...ما غايب...و يحاسب...دنيه و آخرة

    عمه بشري خواتج...و البقية بحياتج

     

    للشمر قولي سلاماً من تسمعين...هذا جاهل شامت و يتمنه تبجين

    هوه بيده قيّدج رادج تدلين...انتي لبوة و حته بقيودج تخوفين

    ابدم أخوتج يرتوي من يعطش الدين...الله رادج بالسبي حيدر تصيرين

    عمه دوسي المآسي...عمه رفعي لي راسي

    خليني أتناحر...و أتناظر...و أتفاخر...انتي عمتي

    من أنظر اللونج...و اعيونج...و امتونج...أرفع هامتي

    حيدر أربع جهاتج...و البقية بحياتج

     

    عمه لازم نبني دولة حيدرية...لا مكان ايليق غير الغاضرية

    دوله للخدر أميرتها سبية...ما شفت تصلح سفيرة بس رقية

    اتطير من ضعنج حمامة فاطمية...من الخرابة للسماوات العلية

    احنه أهل السيادة...و القتل إلنه عادة

    احنه الله ربّانه...خلانه...و انطانه...هاي المكرمة

    شرفنه بالأنور...و الكوثر...و بحيدر...و أمنه فاطمه

    عمه امشي برهاتج...و البقية بحياتج

     

    عمه عند عيناج و آنا زين العباد...و الله وين انصير احنه نبقه أسياد

    هذا جلدي ما تضره اسياط جلاد...أبقه قائد حته لو بحبال أنقاد

    صوتي شبه العاصفة بوجوده الأوغاد...لا فتى الا علي و اليخسئ ازياد

    هذا صوت اليكفلج...عفية اختي يقلج

    عفية أختي...كّفيتي...و انطيتي...للعالم عبر

    يالزودج بقدي...و اتصدي...و اتحدي...انتي اخت القمر

    وحدج ابلا حماتج...و البقية بحياتج

     

    ينظر اعليج العدو و أعرف مرامة...خل يسولف لا تفكرين بكلامه

    من تكلمينه تره يرفع مقامه...و الذليل يموت و بحسرة كرامة

    الدنيه لولانه فلا تبقه بسلامة...خل نسويها اعله بن هنده قيامه

    عمه هذا بو فاضل...كافل و يبقه كافل

    و اعيونه ويايه...حمّايه...و الراية...بعيون القدر

    هالراية بالحاصل...من كافل...يستاهل...جف المنتظر

    عمه ادعي بصلاتج...و البقية بحياتج

     

    عمه و الزهرة أطمنج عندي أخبار...باجر انشاهد ملايين امن الأنصار

    مهما تكبر كربله تمليها زوار...يبقه بو فاضل حرسها و بيده فقّار

    احنه أسسنه منابر تصنع أحرار...الشرف إلنه يعمه و الخصم عار

    من ثمار المجالس...عدنه كل شيعي عابس

    شيعتنه وفّاية...و الغاية...مشّاية...أهل المرجله

    خليها تتوذر...تتفجر...هم تحضر...ممشه الكربله

    أدري هاي أمنياتج...و البقية بحياتج



    موقع القصائد الولائية © 2004 - 2013