» احفر نهر يا محجر العين...اروي الخبر عن السجينين  » يا مجير ابلا إجاره...بارك بهاي الزياره  » ليل الغاضرية...شفته بكل مسية  » عالگاع قرآن محبوس...مفروض ينشال عالروس  » صبرك كليم...ويه الرحيم  » بالله نزل النعش يا شّياله  » يا أمير ابن الأمير...سبحه بجفوفك نصير  » ما نعوفك هيهات موسه ابنَ جعفر  » آنا الغريب العل جسر...عدواني خلوني  » إمامي إبساعة المحشر...أندبه إبشدتي يحضر  

  
  • أضف الموضوع


  • الشاعر كرار حيدر الخفاجي
    27/07/2017م - 8:23 م | عدد القراء: 945

    الملا باسم الكربلائي


    لا تنعه يا جبريل...يرحل علي ابهالليل...واويلاه واويلاه

     

    إحنه أيتامه و يموتنه بغيابه...اوياه نتمنه تغطينه الترابه

    جينه يا جبريل واوقفنه اعله بابه...كلنه نقره آه يبو حسين و مصابه

    كل اليتامة اتگول...ميت علي معگول...واويلاه واويلاه

     

    يوحي يا جبريل صوتك بالرزايه...اتهدمت و الله أركان الهداية

    يعني ميت حيدر و هاي النهاية...و الله عجبة السمه ما تمطر دماية

    ابغيبة علي الكرار...أفق السماء إندار...واويلاه واويلاه

     

    الدنية مو دنية و نحس الفجر مُظلم...و العزيز اجنازته تجرح و تلجم

    شكثر من افراق أبونه اللي يألم...ألف لعنة اعليك تنزل يبن مُلجم

    هذا الجرح ميهون...حيدر يموت اشلون...واويلاه واويلاه 

     

    غربت شمس الولي و العله...و الخليل ايخلي بين أحبابه

    ننتظر تتطلع اجنازة أبو الحملة...نريد آخر مرة نشتمه و نقبله

    من يطلع التابوت...كلنه نصيح بصوت...واويلاه واويلاه

     

    شيعوه و هيجوا نار المواجع...انغسل قبر المرتضه بجاري المدامع

    وسفه شاطر مرحب و للباب قالع...نايم بحفرة شبر و أربع أصابع

    معقولة داحي الباب...هالليلة جوه اتراب...واويلاه واويلاه 

     

    صرنه كل ليلة نجي بمهجتنه جمرة...نغسله بماي الورد و انزور قبره

    الما نسانه و الله ما ننساه مره...نجي كل ليلة و إله الفاتحة نقره

    لمن يمرنه العيد...قبره نروح انريد...واويلاه واويلاه

     

    شفنه زينب قاصدة بدمعة بجاها...تعثر و توقع و أبو فاضل وراها

    اشلون باجر لو شمر بالطف سباها...تطلع من الخيمة محروقة عباها

    باجر عقب عباس...اتسلب خيمها الناس...واويلاه واويلاه



    موقع القصائد الولائية © 2004 - 2013