» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر الأديب الحاج جابر الكاظمي
    27/07/2017م - 7:40 م | عدد القراء: 2663

    الشاعر الاديب جابر الكاظمي


    رسم رب العرش موضع مزارك...مزارك

    جعل هود النبي و صالح جوارك...جوارك

    القلم ظل ينعه و اللوح...ضيجعك آدم و نوح

    جعل هود النبي و صالح جوارك...جوارك

     

    وعد موتك قرر...قدر هذا و تقدّر...يحيدر و آنا جبريل...اجيت الدفنك أحضر

    شفت هالليلة منظر...أحس قلبي تفطر...دموع أيتامك اتسيل...صحت الله أكبر

    انهضم حالي و تأثر...جبل صبري تنثر...القلب جم نايبة ايشيل...عله امصابك يحيدر

    ينبيان الصبر طايح جدارك...جدارك

    يحيدر موحشة اخلافك ديارك...ديارك

    أصيح و قلبي مجروح...ضيجعك آدم و نوح

    جعل هود النبي و صالح جوارك...جوارك

     

    إجيت و صوتي ينعه...احضرت نعشك أشيعه...سمعت بدارك انياح...الجبل يذبل يصدعه

    الحسن ينحب أسمعه...دمع يتجاره نبعه...افتحت جنحي و بالجناح...امسحتهن دمعة دمعه

    يتيم و هذا وضعه...المصاب بجبده يرعه...الغصص و اهموم الجراح...جرعهن جرعه جرعه

    يحيدر شبلك ايتابع مسارك...مسارك

    يصيح اعلينه صار أظلم نهارك...نهارك

    شهيد القبرك اتروح...ضيجعك آدم و نوح

    جعل هود النبي و صالح جوارك...جوارك

     

    حزن قلبي ارتضيته...خبر موتك نعيته...أصيح بذمة البين...علي حانت منيته

    ظهر وني و خفيته...غمرته و ما بديته...أدور وين الحسين...بكتر نعشك لقيته

    بمرار الهم إجيته...أواسيه برزيته...يحيدر مدمع العين...لبو الأكبر جريته

    لشبلك يا علي واسع مدارك...مدارك  

    يمثل حلمك و هيبة وقارك...وقارك

    عدن من قبرك اتفوح...ضيجعك آدم و نوح

    جعل هود النبي و صالح جوارك...جوارك

     

    أمر هذا و تحتم...يخضب شيبك الدم...تصلي اعليك الأملاك...عليك الباري سلّم

    حزن و العالم أظلم...رسول الله تألم...يصيح بقبرك اوياك...جسد نوح اويه آدم

    تنوح الليلة مريم...قلب سارة تخذم...ابحزنها الزهرة تنعاك...ديجة بلوعة الهم

    وفيت المصحف الخالق ذمارك...ذمارك  

    تنوح الغاشية و عمَّ و تبارك...تبارك

    سبأ و القارعة اتنوح...ضيجعك آدم و نوح

    جعل هود النبي و صالح جوارك...جوارك

     

    خزانة ربنه صدرك...رفع بارينه ذكرك...جبل و اتحيطه جهال...انجهل يا وسفه قدرك

    يعظم بارينه أجرك...ارخصت للباري عمرك...صبح مضرب للأمثال...يحيدر هذا صبرك

    زرع بالحكمه جذرك...أبد ما يخفه بدرك...تظل تبعث للأجيال...حكم من هذا قبرك

    شهيد و ثبتت بالدم قرارك...قرارك

    علم يا با الحسن أصبح منارك...منارك

    معالم مجدك اتلوح...ضيجعك آدم و نوح

    جعل هود النبي و صالح جوارك...جوارك



    موقع القصائد الولائية © 2004 - 2013