» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر ناظم الحاشي
    04/08/2017م - 9:11 ص | عدد القراء: 6108

    ملا باسم الكربلائي


    عينك ما درتها بيوم عن عيني...عليك بداعة العباس حاجيني

     

    وينك يالقلت ما فارقج وينك...عليك بداعت أمي لا تسد عينك

    أريد براسي تمسح بوية جفينك...أمسح راسي بيدي لا تخليني

     

    ما ريد الهوه الما بيه علي أشتمك...و لا ريدن شهر رمضان مو يمك

    اشلون أفطر بماي و تفطر بدمك...يا ماي بغيابك بعد يرويني

     

    أكثر من عذابي لا تكلفوني...عفتني و باجر اخواني يعيفوني

    بعدك سوط أمية يضرب أمتوني...و ابن الكلت جبد الحمزة يسبيني

     

    أعمار البشر تندار كون أدري...و الله أنطيك عمري يا بعد عمري

    كسر امي بضلعها و بالقلب كسري...مكسورة الخاطر لا تخليني

     

    بعدك ما لي عين اتشوف محرابك...لو دم الدمع ما يجبر امصابك

    أحن الريحتك و أركض عله اثيابك...يا ريحة علي من الموت تحييني

     

    أول مرة أصيحك ما ترد صوتي...و أول مرة أموت بموت مو موتي

    نار الباب ردت حرقت ابيوتي...من نار السقيقة من يطفيني

     

    حقي أبجي عليكم من أودعكم...و أشوفن عالشريعة اتطيح رايتكم

    التكره دينكم صعدت منابركم...صار الخان ديني يحكم بديني



    موقع القصائد الولائية © 2004 - 2013