» يحسين اعداك يلومونه  » آنا العاشق لتلوموني لتلوموني  » يا موت أرد أسألك لا توافيني  » ربك راد محراب الكعبة بمحرابك  » هاي أفكار الإرهابية...ضد الأمة الإسلامية  » لليزور حسين بالجنة نصيب  » الله يحبني...لمن كتبني...خادم للحسين  » عَاشُورَاء ..شِعارُنا...كَرْبَلاء..مَنَارُنَا  » وَطَنُ السَّمَاء...وَطَنِي الْعَظِيم  » ياللي تسألني و تناشد أصلك امنين  

  
  • أضف الموضوع


  • الشاعر السيد عبد الخالق المحنّه
    04/10/2017م - 11:49 م | عدد القراء: 290

    السيد عبد الخالق المحنة


    زينب بنت منابر...حته تظل ضماير
    ما تنمحي الشعائر...زينبية زينبية

    ضعنج سفينة مبحره و انتي لها اشراع...درب السبي صاير بحر من دمع الوداع
    ما شلتي راسج للسمه خل تخسف القاع...كثرت جراحج و الصبر يم النهر ضاع
    فراشات العرش ليش...تحت شمس الظهاري
    غيور الباري و يشوف...وضعهن بالصحاري
    صار اللطم بداية...من مأتم السبايه
    لا تجرح المشاعر...زينبية زينبية

    يا زينب بوجهج دمه هذا الدمه امنين...ينزف بقه طول الدرب ينزل عله العين
    راسج ضربتيه بالعمد من طاح الحسين...لو عالنهر يم القمر من شفتي جفين
    إذاً دم راسي لو سال...أنا قصدي أواسي
    أحس و يعلم الله...يزينب بالمآسي
    حته الكلامه جارح...هم أسكت و أسامح
    لا تكسر الخواطر...زينبية زينبية

    كون انطفت عين الشمس من بعد الخيام...و اليمشي وياها شمر ما تقدر اتنام
    حته الإبل ظلت تون من ون الأيتام...و الحره لمن تنسبي ما تحسب أيام
    تظل تحسبها لحظات...لأن تحسب مواقف
    بطيئة اللحظة بالخوف...يحس القلبه خايف
    يا زينب اليتامه...ما توصل بسلامه
    و الحرمة من تصابر...زينبية زينبية

    يا زينب انتي بيا دمع عاتبتي الأحباب...و انتي ايديج امقيده بعيونج اتراب
    و أعرف معاناتج تره بنظرات العتاب...خوفج إذا هب الهوه و يحرك الحجاب
    مشيتي بهالمعاناة...مسافات الطويلة
    لذلك بالمشي انقول...رجع ضعن العقيلة
    من نمشي يالحزينة...نستقبل الضعينه
    مشّاية و المظاهر...زينبية زينبية

    واسينه دمعج باللطم حته الدمه ايسيل...رداً عله اسياط المتن سوينه زنجيل
    يتجدد اويانه الألم جيلٍ بعد جيل...و الركضة جانت واقعة ما بيها تأويل
    ركضتني المصرع حسين...عله المصرع وقفتي
    ركضنه الحضرته ليش...لأن انتي ركضتي
    نركض على ضريحه...بقلوبنه الجريحة
    دم دمعة النواظر...زينبية زينبية

    وجهج خطف لونه التعب لو هاي الأهوال...و جفوفج يرجفن ضعف لو من الحبال
    يا زينب اتميل الأرض لو هودج مال...لو مر خيالج عالحجر يتحول ارمال
    خيالج انتي بيه روح...و أبو فاضل يراقب
    يخطط بالدرب جان...خريطة للمواكب
    ما تنتهي المآتم...خادم يوصي خادم
    نفذنه و الأوامر...زينبية زينبية

    سكتاتج الكلهن حجي و اعتابج اهواي...و اعيوني الكلهن عطش بس وزعن ماي
    بت حيدرة فوق الهزل محد حسب هاي...شفنه الأسيرة تنتصر من كربله و جاي
    أسيرة الواقع يقول...لجن شفتج أميرة
    يزيد ابلا حكم صار...صفه بيدج مصيره
    يا لبوة الهواشم...نصر السبايه قادم
    ثورتنه يعني باجر...زينبية زينبية

    رادوا يموتون الوحي يتوزع أشلاء...يعني إنقلاب اعله السمه قالوا هبل شاء
    يا زينب انتي المرسلة في هذي الأرجاء...قوليها سر البسملة في نقطة الباء
    تخطي عالم الآه...و اعبري بكل قناعة
    و اتركي ادموعج اتسيل...لأن دمعج شجاعة
    خل تركع المساجد...قولي الصميدة واحد
    و الثورة بالمصادر...زينبية زينبية



    موقع القصائد الولائية © 2004 - 2013