» بعد ما أعتب عليكم...لا تجوني و لا أجيكم  » كَانَتْ صَلَاَةً مُفْرَدَة...عَلِيلَةً وَ مَقْعَدَة  » ريت السافر ايعود...ما جرحّت الخدود  » روحي و انت باقي ببالي...الغالي ما يتعوض الا بغالي  » نَائِمٌ يَا لَيْتَكَ الْهَنا...أَمُكَّ اِعْتَادَتْ عَلَى الْعَنَا  » الموعد بمقتلي...نلتقي يا علي  » حته لو ما عاجبك...سيفي راح يحاسبك  » ماتت دللول الولد...و الحضن فارغ و المهد  » حيَّ على...أطهر جسد حيَّ على صبره  » هذا عنواني...آنا مجنون الحسين  

  
  • أضف الموضوع


  • الشاعر سمير صبيح
    17/10/2017م - 12:08 ص | عدد القراء: 398

    مرقد الامام الحسين (ع)


    لليزور حسين بالجنة نصيب...واحنه ذيچ اسمائنه بدفتر حبيب

    سجلاها بدفتره المابي دغش...والثواب يطب گبل طبة النعش
    شلون يتعذب اليهواله اثنعش...وهمه خيرة خلق سبحانه المجيب
    لليزور حسين بالجنة نصيب

    العجائب سبعة ، ثامنها الحسين...ساعة قاتل ، ضلت الاف السنين 
    سيف بوجوه الظلم والظالمين...الدنيا كلها تغيب وانته الماتغيب 
    لليزور حسين بالجنة نصيب 

    اهواي لامونه عليمن هالدموع ؟...الدنية ليل ومو غلط نهوه الشموع 
    شي طبيعي اليفگد حبيّب يلوع...وغير دمعه شعنده لليفگد حبيب 
    لليزور حسين بالجنة نصيب
     
    اليزوره وعارف بحقه ينول...جنة الله يطبها من باب الرسول 
    وحيدر على الباب والزهرة البتول...شمس تطلع تجلي كل ليل النحيب
    لليزور حسين بالجنة نصيب

    للعقل والعاقل اسأل هالسؤال...الله اكرم منه ماكو ، لا محال 
    حسين اكرم لله كل ماله وعيال...وانت قيس هناك شيكرمه المجيب
    لليزور حسين بالجنة نصيب

    والله دنيه واخره ينول الثواب...اليحيي امره وفاض دمعه اعله المصاب
    حسين باب الله الفلا ينسدله باب...الدنيا كلها تغيب وانته الماتغيب 
    لليزور حسين بالجنة نصيب



    موقع القصائد الولائية © 2004 - 2013