آنا العاشق لتلوموني...لتلوموني
حسين أول جلمة اعله إلساني محبوبي و أغله من العين...شتريد الدنيه تراويني للموت و ما عوف حسين
يا ناس و ما أترك دربه لو قطعوا حته الجفين...مثل حسيني يجري بدمنه ابهذا العالم يحصل وين
ما تنهوني ما تنهوني...عن هذا الحب ما تنهوني
لتلوموني لتلوموني...آنا العاشق لتلوموني
أدرس هذا الحب و اتعلم يالرايد معنه الإيثار...احنه من حسين اتعلمنه بهذا الحب نسحق عالنار
شيعة و عنوان الحرية نمشي بدربه مهما صار...و المهدي بسيفه يصفيها من يظهر و يصيح الثار
متغيروني متغيروني...شيعي المبدأ متغيروني
راية أحزان بكل موكب رفت لحسين بعاشور...ضد الجور و ضد الباطل لابد هاي الدنيه اتدور
راعي الغيرة و ثورة مجده خطاها بإصبع مبتور...صله الباري اعليه و سلم وشعظم حسين المنحور
لتمنعوني لتمنعوني...عن أقدس حب لتمنعوني