» كلما أسهر الليل و أنظر للگمر...أذكر عمي عباس يم شاطي النهر  » خبر عاجل هسه جانه...عله الكوثر ملتقانه  » يا حسين يا حسين...سيد العالم تظل  » ما رايده الماي ردتك عالرمح...يا ظهر الحسين يا وجه الصبح  » يا بو فاضل...طيحت إيدك مو وكتها  » اقطع الكلام...سيفي يتكلم و أريد الكل يسمعه  » بعد ما أعتب عليكم...لا تجوني و لا أجيكم  » كَانَتْ صَلَاَةً مُفْرَدَة...عَلِيلَةً وَ مَقْعَدَة  » ريت السافر ايعود...ما جرحّت الخدود  » روحي و انت باقي ببالي...الغالي ما يتعوض الا بغالي  

  
  • أضف الموضوع


  • الشاعر نجم الصرّاف الكاظمي
    20/10/2017م - 1:10 ص | عدد القراء: 458

    مرقد الامام الحسين (ع)


    أنا عاشق للحسين ابفطرتي...لا تلوموني اعله نوحي و دمعتي

    اشلون ما أنحب على حسين و أنوح...اشلون ما أفدي له مهجة او أهدي روح
    هوه مصباح الهداية و فلك نوح...و هوه نور الله اليزيح الظلمتي

    حسين حب رباني تهواه القلوب...حسين كل دمعه إله تمحي الذنوب
    روحي لمن تسمع بإسمه تذوب...و بيها أهتف بآخر دنيتي

    حسين قلب المصطفه و سر النزول...حسين ريحانة علي و روح البتول
    لا تلوموني اعله حبه اشما أقول...آنا ثابت دوم إله بمحبتي

    آنا بالفطرة أحبه بلا رياء...من أجل حبه أحبها الكربلاء
    أخدم الكلمن يخدمون بولاء...و أرتجي من الباري يقبل خدمتي

    حسين مصباح ابركن عرش الجليل...حسين بالقرآن قربان الخليل
    يومه طول الدهر يبقه ابلا مثيل...و لجل ظل يهتف لساني و مهجتي

    حبه من الله سكن وسط الفؤاد...و بالوحي فرض المودة اعله العباد
    اشلون ما ألبس عله المصابه السواد...اشلون ما ترتفع بإسمه رايتي

    اشلون ما أبجي دمه من الناظرين...و أهتف اويه المهدي بين الحرمين
    من ينادي يا لثارات الحسين...تلتقي صرخة إمامي و صرختي

    لو عله امصابك غضب رب السماء...و الإمام المهدي يجريها بدماء
    اشلون ما أقدم إله روحي فداء...ودي يكتب يا حسين ابتربتي   



    موقع القصائد الولائية © 2004 - 2013