يم البنين الآخر الأنفاس...خادمج أبقه و خادم العباس

من اقترنتي بعلي بعد البضعة...نلتي الشرف و المنزلة و الرفعة
الولده ابخدمتج ذبتي مثل الشمعة...ابهالخدمة شانج راد الله يرفعه
هالشرف و بكل شرف ما ينقاس...خادمج أبقه و خادم العباس

يم البنين ادخلتي دار العصمة...و صرتي الشفيعة ابفضل هاي الخدمة
اخدمتي بني فاطمه ابمعنه الكلمة...فضتي عليهم بالعطف و الرحمة
للخدمة انتي ابنيتي أول ساس...خادمج أبقه و خادم العباس

الزينب و الحسين و حسن و أم كلثوم...أم صرتي من بعد أمهم بأول يوم
ردتي تنسيهم ضلعها المهشوم...و حزن الذي اعله الباب بالدم مرسوم
خدمتج لصحاب الوفه مقياس...خادمج أبقه و خادم العباس

بفاطمه قلتي العلي لتناديني...بأم البنين أطلب طلب سميني
محنة أطفالك بأمهم تأذيني...خوفي يذكروها و تهل دم عيني
محد المثلج حمل هالإحساس...خادمج أبقه و خادم العباس

بولد الزجية فاطمه اتكفّلتي...وولدج عليهم أبد ما فضّلتي
ربيتي وشقد بالربه اتعذبتي...و بأربع ولد للطاهرة اتبرعتي
و الدم رسم سيرتج عالقرطاس...خادمج أبقه و خادم العباس