» ساوموني...و آنا ما ساوم على بيعة أميري  » يا علي الأكبر صفاتك من صفات الأنبياء  » نور لعيوني و ضواي...من هواك اشتم هواي  » يم بابك و محتاج مديت اديه...كل مائدة جبريل نزلت عليه  » يا با الفضل جيب الماي لطفالك العطشانة  » هوسات في حق العباس بن علي عليهما السلام  » قوم هذي رايتك...يا با الفضل  » أربع كواكب متقدمه...هدية مني يا فاطمه  » ابجاه النبي و فاطمه و علي...أتمنه ترجع يحسين إلي  » يا بالفضل أدريك...همة علي اتباريك...يا شمعة اسنيني  

  
  • أضف الموضوع


  • الشاعر الأديب الحاج جابر الكاظمي
    13/11/2017م - 12:13 ص | عدد القراء: 81

    الشاعر الاديب جابر الكاظمي


    ابجاه النبي و فاطمه و علي...أتمنه ترجع يحسين إلي
    يا ما تانيت...يبني و ناديت...أتمنه ترجع يحسين لي

    ها آنا حالي...أقضي الليالي...نوح و سهر
    طّول مغيبك...بعد شيجيبك...من هالسفر
    طال انتظاري...ليلي و نهاري...أشبح نظر
    لا روحي فرحت...لا عيني لمحت...منك أثر
    شلت ايدي للباري و أندعي...ترجع لي و تنشّف مدمعي
    أنحب ظليت...يبني و ناديت...أتمنه ترجع يحسين لي

    مهمومة وحدي...لا مهجة عندي...لا تم قلب
    و اعيوني تسفح...عالبيدة تشبح...و اعله الدرب
    هالفرقة تجهد...و انطر يعود...ذاك الركب
    أنطر ركابك...يا من غيابك...مُر و صعب
    و بلهفه أدعي كل مطلبي...سالم ترد لي بجاه النبي
    لجلك ونيت...يبني و ناديت...أتمنه ترجع يحسين لي

    يا ما تنيتك...و أصرخ يريتك...سالم ترد
    هالفرقة صعبة...حسبة اعله حسبه...و ظليت أعد
    عيني اعله دربك...شيطفي عقبك...نار الوجد
    سهرانة ليلي...ابجمرة غليلي...ذاب الجبد
    أرعه النجم و أنظر للسمه...و أصرخ يربي ابحق فاطمه
    ابهالدعوة ادعيت...يبني و ناديت...أتمنه ترجع يحسين لي

    ما ينقضي نوحي...مهمومة روحي...و متلوعه
    لتظن ونيني...و فرقة بنيني...ابهالفاجعة
    بس ليك أونن...لتصدق أحزن...عالأربعه
    بس انت وحدك...خلاني فقدك...متصدعة
    اهموم العليه ما تنحصي...و اتعود إليه ابجاه الوصي
    لجلك حنيّت...يبني و ناديت...أتمنه ترجع يحسين لي

    ابهالرحلة عني...جن عمري مني...افداك ارتحل
    ميهمني عمري...يوليدي فكري...اعليك انشغل
    عذبني بُعدك...ما عندي بعدك...رجوت أمل
    أنطر وصولك...بس لا ينولك...جف الأجل
    روحي بمصابك متحسسه...و أجري المدامع صبح و مسه
    محتارة ابقيت...يبني و ناديت...أتمنه ترجع يحسين لي

    اشما دمعي يجري...و ما يطفه جمري...و ظل يستعر
    جن دهري ذبني...حيرني يبني...و تاه الفكر
    عشت بخيالك...حيث الوصالك...دوم أنتظر
    أترجه يومك...و آنا القدومك...أنذر نذر
    نذر العليه لمن ترد...أزرع إلك درب الطف ورد
    و أحسب وفيّت...يبني و ناديت...أتمنه ترجع يحسين لي

    لو ناعي ينعه...بسمك أسمعه...ايجيب الخبر
    من هذي جيته...احسبني ميتة...و قبري انحفر
    و يسلب حياتي...و يعلن مماتي...جف القدر
    تغدي المدينة...وحشة و حزينه...و تمسي ابكدر
    هالناعي يا ريته لا يجي...و آنا الرجوعك دوم ارتجي
    سالم يا ريت...يبني و ناديت...أتمنه ترجع يحسين لي

    غارق دليلي...بموجة عويلي...و ظليت أحن
    فكري تحّير...عالفرقة يقدر...لا لا تظن
    و اعيوني تدمع...يا ريته ينفع...دمع الجفن
    دمعي التفجر...يوليدي حفّر...صحن الوجن
    أتمنه موتي و ريت أندفن...و لا أحيه و أسمع ناعي الحزن
    اشقد اتمنيت...يبني و ناديت...أتمنه ترجع يحسين لي   



    موقع القصائد الولائية © 2004 - 2013