» احفر نهر يا محجر العين...اروي الخبر عن السجينين  » يا مجير ابلا إجاره...بارك بهاي الزياره  » ليل الغاضرية...شفته بكل مسية  » عالگاع قرآن محبوس...مفروض ينشال عالروس  » صبرك كليم...ويه الرحيم  » بالله نزل النعش يا شّياله  » يا أمير ابن الأمير...سبحه بجفوفك نصير  » ما نعوفك هيهات موسه ابنَ جعفر  » آنا الغريب العل جسر...عدواني خلوني  » إمامي إبساعة المحشر...أندبه إبشدتي يحضر  

  
  • أضف الموضوع


  • الشاعر ناظم الحاشي
    13/11/2017م - 9:10 م | عدد القراء: 624

    مرقد الامام الحسين (ع)


    يم بابك و محتاج مديت اديه...كل مائدة جبريل نزلت عليه
    من هزيت الشباك...الغيرة اهتزت وياك

    شجرة مريم العذراء جانت غصن بأغصانك...نزل منها الرطب و انشاف سرها بنور قرآنك
    أدري و ما كو شك ابهاي من ألزم شجرة إيمانك...تتساقط ذنوب الروح لو هزيت شباجك بيبانك
    شجرتها مريم نور يحجولي عنها...بس شجرة العباس ما كو منها
    و انطاني المنها انطاك...من هزيت الشباك

    تدري ببابك و مديت إيدي الأبد ما مدها...و أعرف بيك يا عباس ما ظن خالية اتردها
    و كل أهل الكرم و الجود العندك أبد ما عدها...قلبك للبشر مفتوح و حته الباب متسدها
    عندك كرم عباس ما منه موجود...مفتوحة بابك دوم ما شفته مسدود
    شفته اتفتحه بيمناك...من هزيت الشباك

    عليك مأمن و مرتاح أنا ماي الوجه من بعته...أخذته بيمنتك مولاي و بيسراك رجعته
    من عرفوني بعته اعليك و آنا بحضرتك عفته...محد قال بيدك ليش ماي الوجه سلمته
    يمك جميع الناس اتمد ايديها...و بلا كرم ما يوم رجعت عليها
    مترد واحد ينخاك...من هزيت الشباك

    ماي البحر ممكن يوم ويه الزمن يتبخر...لكن بحر جود البيك اشما تكرم يزود أكثر
    تتعجب الناس اتشوف بيدك سيف بالمحشر...كرامة الجفك المبتور ربك راد لك تثأثر
    من نادت الزهراء يا رب قراري...بالحشر جف عباس ياخذ لي ثاري
    و اتوافي أمك بدماك...من هزيت الشباك

    من قد ما أدق بابك بابك يعرف ابهامي...و من قد أسولف بيك ابحبك خلصت أيامي
    و اتعناك كلما شوف تكثر سيدي آلامي...و من جور الوكت مولاي بيك اتحزم احزامي
    حط لك الباب حسين من بوبه يمك...من شافه صال للخوه دمك
    أشعر دم الوالاك...من هزيت الشباك  



    موقع القصائد الولائية © 2004 - 2013