» بعد ما أعتب عليكم...لا تجوني و لا أجيكم  » كَانَتْ صَلَاَةً مُفْرَدَة...عَلِيلَةً وَ مَقْعَدَة  » ريت السافر ايعود...ما جرحّت الخدود  » روحي و انت باقي ببالي...الغالي ما يتعوض الا بغالي  » نَائِمٌ يَا لَيْتَكَ الْهَنا...أَمُكَّ اِعْتَادَتْ عَلَى الْعَنَا  » الموعد بمقتلي...نلتقي يا علي  » حته لو ما عاجبك...سيفي راح يحاسبك  » ماتت دللول الولد...و الحضن فارغ و المهد  » حيَّ على...أطهر جسد حيَّ على صبره  » هذا عنواني...آنا مجنون الحسين  

  
  • أضف الموضوع


  • الشاعر سليم الغزالي
    17/04/2018م - 12:29 ص | عدد القراء: 852

    مرقد الامام الكاظم ومحمد الجواد (ع


    يا أمير ابن الأمير...سبحه بجفوفك نصير

    يالصعب توصيفك...احنه دوم بكيفك...نبقه عشاگ
    سبحه بين اجفوفك...انبوسهن و نطوفك...لا للفراگ
    يا ابن جعفرنه...هاك اخذ ناظرنه...عوف الأشواگ
    حضرتك حضرتنه...من الخطر حرستنه...حقنه نشتاگ
    الشيعي بأشواگك أسير...سبحه بجفوفك نصير

    الما تبع منهاجك...ما عرف معراجك...لا يحس بيك
    خلهم يكرهونه...مملكه بعيونه...اتنادي لبيك
    تدري من اصبانه...صحنه يا مولانه...بدمنه نفديك
    فضلك امجازينه...اشما إلك سوينه...ما نجازيك
    الما مشه بدربك ضرير...سبحه بجفوفك نصير

    السجن من شافك...ارتبك بأوصافك...أوصافك آيات
    مدري جم سبحانك...نزلت انت بشانك...من السماوات
    ما دره بعيونك...شلت اليحبونك...رغم الآهات
    و النعم يالكاظم...صحت لا للظالم...صرت ثورات
    ثورتك من القدير...سبحه بجفوفك نصير

    يا أمان أحلامنه...بيك تحله أيامنه...تحله دنياي
    شوفتك محلاها...حيل تشبه طاها...من الله مولاي
    عدنه هاي الرؤية...يموت بيك و يحيه...القلبه شراي
    بصحنك النوراني...صاح دم شرياني...انحبك اهواي
    حبنه أحله من الحرير...سبحه بجفوفك نصير

    ندري باليهواكم...دوم كون اوياكم...انعيش الطفوف
    احنه من عشناها...بالعقل شفناها...اتهلهل اسيوف
    بشوق صرح دمنه...نوركم هيمنه...شنهي الحتوف
    دسنه فوق الذله...بروح ما تتخله...عن ضوه الشوف
    وين ما ترغب نغير...سبحه بجفوفك نصير



    موقع القصائد الولائية © 2004 - 2013