» احفر نهر يا محجر العين...اروي الخبر عن السجينين  » يا مجير ابلا إجاره...بارك بهاي الزياره  » ليل الغاضرية...شفته بكل مسية  » عالگاع قرآن محبوس...مفروض ينشال عالروس  » صبرك كليم...ويه الرحيم  » بالله نزل النعش يا شّياله  » يا أمير ابن الأمير...سبحه بجفوفك نصير  » ما نعوفك هيهات موسه ابنَ جعفر  » آنا الغريب العل جسر...عدواني خلوني  » إمامي إبساعة المحشر...أندبه إبشدتي يحضر  

  
  • أضف الموضوع


  • الشاعر السيد سعيد الصافي الرميثي
    17/04/2018م - 12:36 ص | عدد القراء: 465

    الشاعر سيد سعيد الصافي


    بالله نزل النعش يا شّياله...خل نشيل من السجن أغلاله
    مسموم يبن النبي...مظلوم يبن النبي

    عادت المسجون لو حكمه شديد...من قبل موته يسألونه شيريد
    شفت ميت و الجفن قيد الحديد...و منعوا من أتباعه من يدناله

    نسأل السجان عن موسه السجين...و خل يجاوب من بعد هاي السنين
    اشلون أصبح كهف كل الزائرين...و نور قبره من بعد يتلاله

    ظالم و مظلوم و بطول الزمان...خل نشاهد من وصل أرفع مكان
    داره صارت تنوصف دار الجنان...و باب حاجة كلمن اتعناله

    وينه هارون الذي شيّد قصور...و عصره گالوا أحله من كل العصور
    قبر ما عنده مثل باقي القبور...وين صارت سلطته و أمواله

    ما يدوم الظلم عمره اشما يطول...و خلي نسأل و الزمن هوه اليگول
    وين تالي الحاربوا آل الرسول...عنهم التاريخ گال احثاله

    يا جرح يلتام و امصاب اليهون...و المدامع قامت اتجرح الجفون
    الكاظم ابيا ذنب يفتر بالسجون...و بجت حيطان السجن لأحواله

    صوت ناعيه القلب منه يشيب...يصيح وينه اليحضر ايشيع الغريب
    اشلون حال الظل عله الغبره سليب...و عالهزل راحت سبية اعياله

    عله العتره اشما جره و مر من مصاب...ما كو مثل امصاب مسلوب الثياب
    بس جسد من يطلع بيوم الحساب...ايريد راسه الثار من جتّاله



    موقع القصائد الولائية © 2004 - 2013