» وشْهالعرس لَقشر عليّه يامسلمين  » طلعت سكينه تجذب الونّه خفيّه  » يالّذي اعله المشرعه ظلّت رميّه جثّته  » خجلانه اهواي...يا جاري الماي  » مشينه سوه الدرب...حفظناه عله القلب  » يا مالكَ الشُّعورِ و اللّا شُعورْ...سَـعْـياً على الرؤوس جئنا نزورْ  » تحياتي و سلامي...معَ كل إحترامي  » عجب يالناشدت ليش الدمع يجري  » سلام عالحره و أخوتها...كتاب ما يروي قصتها  » يا بو الأكبر نظل وفايه  

  
  • أضف الموضوع


  • الشاعر السيد عبد الخالق المحنّه
    17/04/2018م - 12:42 ص | عدد القراء: 1009

    السيد عبد الخالق المحنة


    عالگاع قرآن محبوس...مفروض ينشال عالروس

    جثمان معصوم معقول ينشال...بأحقاد عدوان و اجفوف حمّال
    من شاف مسموم مقيود بأغلال...و الله ما صار يا ناس هالحال
    لتقول ما جوه اعزاز...موجود عباس جنّاز
    رفعوه أقمار و اشموس

    قرآن مسجون و إبليس سجّان...شنقول و الناس عُباد أوثان
    من حول الدين ملفوف ثعبان...و اختار تسليم لو موت فرسان
    هيهات تنهان أشراف...و اتخاف من عين سياف
    بغداد برهان ملموس

    حيطان أموات و الباب مسدود...أشرار أحرار و الخير مگيود
    عالگاع أشباح و انسان مفگود...هاليوم يا سيف يا ثار مريود
    هاليوم محتاج اثنين...سيفين عباس و حسين
    ينطون هارون ادروس

    قربان للبيت محروگه ابيوت...مرسول مجتول بيدين طاغوت
    مينام النور بأحضان تابوت...و العاش مظلوم سلطان ايموت
    ما مات من عاش دستور...كل يوم مذكور مشكور
    و أحرار لترابه اتبوس

    أفكار و اعقول و أحلام مجنون...غابات و اذياب متريد قانون
    و الناس عميان و اتشوف هارون...و أحباب الله مذبوح مسجون
    شيفيد تنكيل و اعتاب...و اليوم مقلوع يا باب
    معتوه عالباب ايدوس

    محجوب يا ثار و السيف محجوب...آهات و اعتاب بدموع مكتوب
    يا ثار الله و اتغيب جم ذوب...ما بين مسموم مذبوح مسلوب
    يا يوم و انشوف أعلام...زعلان و اتروح للشام
    دعواي مولاي محروس

    دعواي كل يوم لغياب ميطول...و انصير حشدين وياك و انصول
    و انشوف عالماي رواي مجتول...عباس لو شاف رايات شيقول
    عباس لو شاف حشدين...ايقول محتاج جفين
    و ايعود عالگوم كابوس  



    موقع القصائد الولائية © 2004 - 2013