» المجالس الفاطمية-المجلس العاشر  » المجالس الفاطمية-المجلس التاسع  » المجالس الفاطمية-المجلس الثامن  » المجالس الفاطمية-المجلس السابع  » المجالس الفاطمية-المجلس السادس  » المجالس الفاطمية-المجلس الخامس  » المجالس الفاطمية-المجلس الرابع  » المجالس الفاطمية - المجلس الثالث  » المجالس الفاطمية:المجلس الثاني  » المجالس الفاطمية-المجلس الأول  

  
  • أضف الموضوع


  • الشاعر صفاء الدفّاعي الرميثي
    24/09/2018م - 9:10 م | عدد القراء: 452

    مرقد الامام الحسين (ع)


    يا محله الموت...بإسم حسين و عنوانه
    يا محله الموت...في شهر الله و أحزانه
    أحرار و قررنه...ما نترك منبرنه

    أعلن من عله المنبر إلى كلمن يهددنه...تعظيم المجالس زاد من قوة عقايدنه
    يالرايد تغيرنه اسمع جلمه من عدنه...أبد عن خدمة المنبر قسم هيهات تبعدنه
    نقسم هيهات...من المنبر ما نتبره
    نقسم هيهات...لو ننزف آخر قطره
    لو قطعوا منحرنه...ما نترك منبرنه

    المجلس كربله انشوفه و نطلع للعزاء انزور...و لأن قائدنه منبرنه و حوله يلتف الجمهور
    اشكثر يا ليتنا صحنه إجه الطف و إجانه الدور...ألا من ناصرٍ واجب نلبيه بشهر عاشور
    عاشر عاشور...كون الموعد يتجدد
    عاشر عاشور...صوت الثائر يتردد
    نقسم يا عاشرنه...ما نترك منبرنه

    الظاهر ما عرفتوها و لا جنكم فهمتم زين...علينه ما يدور الموت إحنه اندور اعله البين
    اسمع يا عدو الله اقتل و اذبح و بعدين...تمل و ما نمل احنه نموت و نحتيي بحسين
    من أجل حسين...نفدي الغالي اتعلمنه
    من أجل حسين...أرخص ما نبذل دمنه
    اشما حاقد فجرنه...ما نترك منبرنه

    شيعه و ما نهاب الموت اشحلاة الموت عالخدمه...إذا جان بشهر عاشور و بمجلس أبو اليمه
    كرامه الكل محب خادم طاح مخضب بدمه...على باب الصحن و السور لازم ينكتب اسمه
    نكتب أسماء...أسماء النذروا دمهم
    نكتب أسماء...نتعلم موقف منهم
    موقفهم يجبرنه...ما نترك منبرنه

    من أول شهيد الطاح للخدمه الحسينية...أسمعه يوصي بالباقين سووا اقراية يومية
    أسمع واحد يقله عهد من عندي ليلية...أحضر آنا و أولادي ضداً للوهابية
    كل واحد مات...هاك انظر يا جتاله
    كل واحد مات...حضروا هالليله اعياله
    تهتف هاك انظرنه...ما نترك منبرنه

    يا أحفاد ابن سفيان احنه أحفاد ابن حيدر...العلمنه بشهر عاشور عقيدة و ثورة نتفجر
    مو احنه اليعوف حسين لو عن حبه نتعذر...اليحمل غيرة العباس مثل عباس يتوذر
    جف العباس...علمنه أسرار اهوايه
    جف العباس...طاح و ما هد الراية
    عباس بضامرنه...ما نترك منبرنه   



    موقع القصائد الولائية © 2004 - 2013