» كلما أسهر الليل و أنظر للگمر...أذكر عمي عباس يم شاطي النهر  » خبر عاجل هسه جانه...عله الكوثر ملتقانه  » يا حسين يا حسين...سيد العالم تظل  » ما رايده الماي ردتك عالرمح...يا ظهر الحسين يا وجه الصبح  » يا بو فاضل...طيحت إيدك مو وكتها  » اقطع الكلام...سيفي يتكلم و أريد الكل يسمعه  » بعد ما أعتب عليكم...لا تجوني و لا أجيكم  » كَانَتْ صَلَاَةً مُفْرَدَة...عَلِيلَةً وَ مَقْعَدَة  » ريت السافر ايعود...ما جرحّت الخدود  » روحي و انت باقي ببالي...الغالي ما يتعوض الا بغالي  

  
  • أضف الموضوع


  • الشاعر ناظم الحاشي
    30/09/2018م - 9:08 م | عدد القراء: 164

    مرقد الامام الحسين (ع)


    تدري يا شمس النهار...بينه طال الإنتظار
    كل ليالينه محرم و انت صابر...نار بخيام و سبايه و ليل عاشر
    بينه طال الإنتظار...بينه طال الإنتظار

    طال يالمهدي انتظارك...تدري ثار حسين ثارك و انت غايب
    عانك الله اعله اصطبارك...ليلك اتكمله بنهارك بالمصايب
    غيرك يسكنون دارك...و اليحب ساكن مزارك قلبه ذايب
    تغلي ناره...لإنتظاره...و اصطباره
    هل محرم بالأنين...و انت مكسور و حزين
    تدري أبو السجاد باقي ابلايه ناصر...نار بخيام و سبايه و ليل عاشر
    بينه طال الإنتظار...بينه طال الإنتظار

    رجعت اجيوش النواصب...بالمشارق و المغارب ضدنه كلها
    و اندفن نور الكواكب...و أصبح الحق ماله صاحب و أنظر إلها
    قلي ما حانت يغايب...ساعة الوقت المناسب بيك أملها
    يا رجانه...يا هوانه...و مبتغانه
    من يحل وقت الظهور...و ترجع أيام السرور
    ما ترد هاي المذابح و المجازر...نار بخيام و سبايه و ليل عاشر
    بينه طال الإنتظار...بينه طال الإنتظار

    خلصت سابع علامة...و جيش أميه أعلن خصامه و سيفه بيده
    و الحسن هدموا مقامه...و ثار جدك و الإمامه قوم عيده
    حرمله امحضر سهامه...للطفل يعلن فطامه من وريده
    كلها ردت...و استعدت...و استبدت
    و رجعت أسواق العبيد...و السبي و زمرة يزيد
    و التعادي حسين صعدت عالمنابر...نار بخيام و سبايه و ليل عاشر
    بينه طال الإنتظار...بينه طال الإنتظار

    عيسه متنطر طلعتك...خلفك يصلي بجمعتك يا إمامه
    يخلط ادموعه بدمعتك...منتظر لحظة رجعتك بالسلامه
    حاضر ادريس النظرتك...و الخضر عايش غربتك للقيامه
    تدعي ربها...يا طلبها...و توفي حبها
    و الملائك بين ايديك...تندعي و تنظر عليك
    لا تغيب النوب عنها و لا تسافر...نار بخيام و سبايه و ليل عاشر
    بينه طال الإنتظار...بينه طال الإنتظار

    تدري يا جمعه التجينه...نقول هسه يمر علينه ابن الزجية
    يمته قلي اتصلي بينه...و تنتهي العادة نبينه الناصبية
    هل محرم وي حنينه...و رجعت أيامه الحزينه الزينبية
    من يجينه...اترد حزينه...الروح بينه
    لا أمن عندنه و أمان...يمته يا فخر الزمان
    تشهر السيف و نشوفك بينه ثائر...نار بخيام و سبايه و ليل عاشر
    بينه طال الإنتظار...بينه طال الإنتظار

    يمته تظهر يا بو صالح...رجعت أيام المذابح و السبايه
    دنية تحكمها المصالح...و اللي طايح بيها رايح بالرزايه
    ما كو حق اليوم راجح...و البريء بدمه سابح بالمنايه
    هذا يومك...ضد خصومك...عاليلومك
    كل ظلم باسمك يزول...و ينجبر ضلع البتول
    و الطفوف اتريد ثارات المناحر...نار بخيام و سبايه و ليل عاشر
    بينه طال الإنتظار بينه طال الإنتظار  



    موقع القصائد الولائية © 2004 - 2013