» المجالس الفاطمية-المجلس العاشر  » المجالس الفاطمية-المجلس التاسع  » المجالس الفاطمية-المجلس الثامن  » المجالس الفاطمية-المجلس السابع  » المجالس الفاطمية-المجلس السادس  » المجالس الفاطمية-المجلس الخامس  » المجالس الفاطمية-المجلس الرابع  » المجالس الفاطمية - المجلس الثالث  » المجالس الفاطمية:المجلس الثاني  » المجالس الفاطمية-المجلس الأول  

  
  • أضف الموضوع


  • الشاعر عمار هليل الواسطي
    30/09/2018م - 9:18 م | عدد القراء: 231

    مرقد الامام الحسين (ع)


    هذا عنواني...آنا مجنون الحسين
    لا مينساني الحسين...آنا مجنون الحسين

    خادمه و أفتخر خادم منبره...حسين يعني الفوز دنية و آخره
    يا عقل يستوعبه و يتصوره...حسين للأجيال نعمة و مفخره
    يبقه برهاني...آنا مجنون الحسين
    لا مينساني الحسين...آنا مجنون الحسين

    كتبت الأمثال عن فن الجنون...و آنا من عابس تعلمت الفنون
    حسين لو ما دمعته تعمه العيون...ما أجازي و عمري للخدمه يهون
    أمري رباني...آنا مجنون الحسين
    لا مينساني الحسين...آنا مجنون الحسين

    قلبي ينبض للحسين و كربلاء...حسين علمني الكرامة و الوفاء
    شرف لمن ألبس اثياب العزاء...سر خلود حسين من رب السماء
    هذا إيماني...آنا مجنون الحسين
    لا مينساني الحسين...آنا مجنون الحسين

    فطره من رب العرش هذا الأمر...حسين يستاهل أضحيله العمر
    دمعي لمصابه يهل دم و جمر...سلوه لجروحي يظل بس الصبر
    رغم أحزاني...آنا مجنون الحسين
    لا مينساني الحسين...آنا مجنون الحسين

    آنا ربتني المنابر عالعشق...حسين عاهدته أبد ما أفترق
    اشما بقيت أشتم هواه قلبي يدق...هوه هذا العشق بالمعنه الصدق
    عمري قرباني...آنا مجنون الحسين
    لا مينساني الحسين...آنا مجنون الحسين

    يبقه فرضي و قبلتي و سر الحياة...حسين عندي الزاكيات الطيبات
    رحمة الله و بالحشر هوه النجاة...حسين إعجازه عبر كل الصفات
    حسين قرآني...آنا مجنون الحسين
    لا مينساني الحسين...آنا مجنون الحسين

    عهد عندي و الله شاهد عالعهد...ما أعوف السبط و أخدم للأبد
    إي وحق القل هوه الله أحد...حسين بالصعبات للخادم مدد
    حسين قرآني...آنا مجنون الحسين
    لا مينساني الحسين...آنا مجنون الحسين



    موقع القصائد الولائية © 2004 - 2013