» وشْهالعرس لَقشر عليّه يامسلمين  » طلعت سكينه تجذب الونّه خفيّه  » يالّذي اعله المشرعه ظلّت رميّه جثّته  » خجلانه اهواي...يا جاري الماي  » مشينه سوه الدرب...حفظناه عله القلب  » يا مالكَ الشُّعورِ و اللّا شُعورْ...سَـعْـياً على الرؤوس جئنا نزورْ  » تحياتي و سلامي...معَ كل إحترامي  » عجب يالناشدت ليش الدمع يجري  » سلام عالحره و أخوتها...كتاب ما يروي قصتها  » يا بو الأكبر نظل وفايه  

  
  • أضف الموضوع


  • الشاعر حمزة السماوي
    14/10/2018م - 9:22 م | عدد القراء: 214

    مرقد الامام الحسين (ع)


    بعد ما أعتب عليكم...لا تجوني و لا أجيكم

    كربله شمسويه بيكم...كربله شمسويه بيكم

     

    هاي جم ليله التمر و آني سبية...ما رجعتو و روسكم رجعت إليه

    بعد إيدكم جم حبل لازم بيديه...و بعد ظلكم ناقتي اتظلل اعليه

    يخوتي اشغير وضعنه...روس و امتون اتجمعنه

    إذني محتاجه الحجيكم...كربله شمسويه بيكم

     

    الليل ياخذني و يردني بسكتت الناس...هذا راس حسين أخويه و راس عباس

    أدري صح ميتين بس ما مات الإحساس...و الأخو ايحن اعله أخته حته لو راس

    وين من خوتكم ألقه...مفارقيني و ما كو فرقه

    للرمح لو خفت أجيكم...كربله شمسويه بيكم

     

    بنص نهار الله و أشوف أظلم نهاري...روس أخوتي عن يميني و عن يساري

    اوجوهكم سومرة من حر الظهاري...و آنا برقع صار لتراب الصحاري

    حيره بالشمات حرنه...وين جنه ووين صرنه

    بعمري يا عمري أشتريكم...كربله شمسويه بيكم

     

    يا حسين اشما أشوفك يرجع الشوق...أجر حسره بيها أكسر خاطر النوق

    يا بو فاضل من غيابك صدري مخنوق...نزلوا راسك و شافوا رمحه محروق

    علي براسك يا فِقاره...زعل و اشتعلت شراره

    يصبرك حسين بمشيكم...كربله شمسويه بيكم

     

    اجروحي من أعطش حياتي بحكمة الرب...و جعلنا من الماءِ اجروح زينب

    راس يقره أم عجبتم ليش تعجب...براس اخويه اعيون ما كو و مدمعه صب

    و الله حالتكم عجيبه...بالمسه تضوون شيبه

    مو دمع لؤلؤ بجيكم...كربله شمسويه بيكم

     

    أعتذر يخواني قد ما عاتبتكم...امراقبين اعله الهزل و امراقبتكم

    آنا أختكم آنا أمكم و آنا بتكم...الهجر تعبني يخوتي و أتعبتكم

    انتهت عشرة عمرنه...و ابتدت عشرة كسرنه

    و أبقه للموت أرتجيكم...كربله شمسويه بيكم

     

    لا تخافون اعله زينب و انتوا ميتين...راح أطب للشام و أقلبها الموازين

    يا يزيد اليبقه باقي بس الحسين...و اشهد العباس واحد ما إله اثنين

    مو حجي أحجي زلزال...يا حسين و يا بو فاضل

    أبدي بيكم و أنهي بيكم...كربله شمسويه بيكم



    موقع القصائد الولائية © 2004 - 2013