» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر ناظم الحاشي
    20/10/2018م - 9:39 م | عدد القراء: 3861

    مرقد الامام الحسين (ع)


    خبر عاجل هسه جانه...عله الكوثر ملتقانه
    انت و آنا الرب دعانه...خبر عاجل

    خبر عاجل هذا عندي...من أبويه بأمر جدي...الما تركني اليوم وحدي...واله حيدر
    الطاع أمري يطيع ربه...و الصراط ايصير دربه...يشرب الماي الأشربه...عله الكوثر
    هاي من عندي البشاره...جدي واقف بإنتظاره...ايقله حصلت الإجاره...و بيك نفخر
    هذا حاصل للشهاده...هيه تاريخ الولاده...يم جنان الرب دعانه...خبر عاجل

    نذر لجلك صاحوا احنه...لوما حبك ما انعرفنه...انت غيرتنه و شرفنه...كل عمرنه
    أنت أول حب إجانه...و البشر حبت ورانه...بيك نتنفس هوانه...يا قلبنه
    احنه ولدك و انت والد...اتحبنه و انحبك يقائد...ما كو حب من طرف واحد...هذا حبنه
    حبنه كامل للوديعه...فدوة لحسين و رضيعه...للأمانة الرب دعانه...خبر عاجل

    و انت يا عباس تدري...حلمي تحفر خويه قبري...هذا مو أمرك و أمري...أمر ربك
    ما تمنيت النهاية...جف ايديك ابغير راية...و الفرات العفت مايه...ايعرف صبرك
    و الله يا عباس حيره...زينب الجانت مُجيره...من أميره اتروح أسيره...غدر دهرك
    يا بو فاضل تعرف انته...كل قمر بعدك دفنته...منتهانه الرب دعانه...خبر عاجل

    دنق العباس راسه...خجل من نور القداسه...لزم رجله و منها باسه...و صاح أميري
    خويه أموت بطاعة أمرك...لا تدوس الخيل صدرك...و الشمر سيفه اعله نحرك...شنهي صبري
    شهر سيفه و صاح أخوته...كون أموتن ألف موته...لا يغيب حسين صوته...أفني عمري
    قبله راح الشلي بيها...دنيه ما يطلع عليها...مرتجانه الرب دعانه...خبر عاجل

    و انتي يا زينب يعمري...اتحملي المشهد و اصبري...من يحز السيف نحري...و انشتمتي
    ما أريدن دمعه تهمل...منّج و لا راس ينزل...لا قلب من خوف يجفل...يالصبرتي
    و الوفت عترة نبيها...مري يا زينب عليها...أم البنين اشكريها...يختي يختي
    عدها كافل ويه خوته...أربعتهم لجلي موته...يا ربانه الرب دعانه...خبر عاجل

    اتقله من بعدك يغالي...بيت ربي و بيتي خالي...بجالك أمشي و راسي عالي...اعله النوايب
    ما أفك حزنك يعمري...إلا جسمي بحلق قبري...بعدك إلمن أشكي أمري...و انت غايب
    حسين يا هو المثلك انته...بدمعه رباني و خسرته...يا هو مثلك كلّف أخته...بهالمصايب
    دمعي هامل عفية صبره...ما ترجه السيف نحره...عنفوانه الرب دعانه...خبر عاجل

    من إجت عينه الرقية...قام يتخيل سبية...بجت عين ابن الزجية...اعله الشهيدة
    يذكر اشلون بحياته...تجيب سجادة صلاته...من يغطيها بعباته...اتبوس بيده
    ما تنام إلا اعله زنده...هسه قاع الطف مُخده...و ماتت بدمعتها بعده...يم وريده
    بالمحافل راس أبوها...ميته يم نحره لقوها...يا عزانه الرب دعانه...خبر عاجل

    هاي للخدام بشره...للضرب بجفوفه صدره...راسه بالعاشر يطبره...ما أعوفه
    و اللي زايرني أزوره...الخوف ما يبقه بشعوره...و أدخل بقلبه سروره...من أشوفه
    و المشه اليوم أربعيني...راد بس يوصل يجيني...أعتني من يعتنيني...جرحه أروفه
    جنتي داخل هاي بشره...للموالي الضحه عمره...من وفانه الرب دعانه...خبر عاجل



    موقع القصائد الولائية © 2004 - 2013