» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر سليم الغزالي
    14/11/2018م - 9:20 م | عدد القراء: 900

    الملا باسم الكربلائي


    سلام عالحره و أخوتها...كتاب ما يروي قصتها

    بعيوني زينب مو دمع حنية...الله اصطفاها من عوالم ضية
    بثورة حجاب و أسست حرية...محتاره بيها لسه الإنسانية
    سراب الما تبع رايتها...كتاب ما يروي قصتها
     
    سر الجلال امن الأزل يفهمها...تفهمها جيه رب العرش فهمها
    تدري اليجي و يروح و المو يمها...ما عدها بالدنيه شبه بس أمها
    مصاب تلقه بمصيبتها...كتاب ما يروي قصتها

    هيه سلام الله عليها الحرة...الله وهبها قدرة فوق القدرة
    من شافت أخوتها جثث عالغبرة...ليتامها و للنوح صارت حضرة
    عتاب ترسم لي غربتها...كتاب ما يروي قصتها

    منها الشرف ماخذ وقار أيامه...و بسدها يا أثمرة أحلامه
    لو ما صبرها و السبي و أحكامه...جا ما رفعناها بكرامة الهامه
    جواب هيبتنه هيبتها...كتاب ما يروي قصتها

    من ابحر بعالمها روحي اتسافر...العاشور و اعيوني تشوف العاشر
    لحسين هيه أول و آخر ناصر...و الله بمواقفها جزت جم باجر
    تراب شرفنه خطوتها...كتاب ما يروي قصتها

    زينب ربيع اسننيه و أيامنه...اليجرحها بحجايه تدفنه أقلامنه
    آلامها اشما تستمر آلآمنه...بلبيكي يا زينب ترف أعلامنه
    شباب انموت اعله حضرتها...كتاب ما يروي قصتها



    موقع القصائد الولائية © 2004 - 2013