الشاعر المرحوم الشيخ كاظم منظور الكربلائي - 30/05/2009م - 5:27 م | عدد القراء: 4652
صــفـت الـخـيـل الـخـيـل..... هـا يـخـيـالـه
ويـن الـتـهـيـج بعزم.... هاشم سباع الخيل.... ها يخياله
مـن وصـل طف كربلا..... ضعن ابو اليمه..... ونزل بحدوده
گام إبـن عـقـد الـوله...... للعالم زمه..... ورفرف بزوده
وشـد وسـام الـمـنـزله... بساعة الهمه.... وخطب بجنوده
والــفــرع كـون يـعـيـد.... مـاضـي آصـالـه
يـخـوتـي عـدكـم نـزل.... وبـأصـلـكـم مـتصل
ظـلـلـوا عـلـيـه تـظـلـيـل.....هـا يـخـيـاله
صـاحـت رجـال الهمم.... عونك وعيناك.... شد ياجيدومه
هـاشـم بـيـوم الصدم.... للحرب وياك..... تاخذ علومه
تـدري ياراعي العلم..... گصدك ومنواك..... خطط مرسومه
بــخــطــتــك لـلإسـلام...... ريـحـت بـالـه
نـصـرة حـسـيـن الگصـد.... ومـنـوتـك يوم النكد
نــذكــر الله بــتـهـلـيـل..... هـا يـخـيـالـه
صـاح فـاروق الـلوه..... يامن بالكونين.... للشرف مصدر
هـذا وادي نـيـنوى.... وهذا يوم حسين.... والسعد جهجر
راي عـالـمـوت إنـطوه.... لنتصار الدين.... وانه بن حيدر
وســاعـدي بـحـد الـسـيـف.... حـقـق آمـالـه
يـا عـمـامـي ويـاخـوتـي.... هـاكـم إخذوا بصيحتي
نــخــوه وتـشـد الـحـيـل..... هـا يـخـيـالـه
إبـشـر إبـشـر يالصحت..... بالعزم والباس... ننعم عيونك
طـحـنه گبلك لو طحت.... والله يا عباس...... ننذبح دونك
ونـدري بـيـك تكفلت.... زينب ولاباس.... توفي يدرونك
والــكــفـل خـدر عـيـال.... يـحـرس عـيـالـه
وهـاشـم بـحـدك تگف..... بـالـوفـه تـمـثل الشرف
وبـيـهـا صـح الـتـمـثـيـل..... هـا يـخـيـالـه
بـشـر ضـنـوة حـيدره.... الهاشم وعدنان.... وبفراستها
وعـرف يـوم الـزمـجـره.... تخبط الميدان..... دون نخوتها
صـاح انـا بـالگنـطـره.... ميدب الفرسان... وبالشهادتها
افگس بــرمــحــي عــيـون..... گوم الـظـلالـه
صـارمـي يـوم الـخـطـر...... بـالـحـرب يمطر حجر
والــحــجـر مـن سـجـيـل.... هـا يـخـيـالـه
لاحت ظهور الرمك...... وصاحت الشجعان.... شاهدك زودك
يـا گمـر هاشم ملك.... گلبك الإيمان...... وازهر وجودك
بـالـوغـه تـدير الفلك.... وتنسف الجيمان..... همة جنودك
والـهـمـم لـلـمـيـدان..... تـنـسـف جـبـالـه
بـالـرمـاح الـمـشـرعـه..... والـسـيـوف الـلامعه
تــدمـر أصـحـاب الـفـيـل..... هـا يـخـيـالـه
خـلـدت هـاشـم مجد.... لعد يوم الدين..... فخر يكفيها
ورصـدت بـالطف رصد.... عزة الدارين..... واحيا ماضيها
فـازت بـجـنـة الـخلد.... يذكر التبيين.... حگ مساعيها
والـعـمـل خـيـر يـشـوف..... نـاتـج أعـمـالـه
حـكـمـة الـبـاري إقـتـضـت.... وبـالكتاب تدونت
وبـالـرسـالـه الـتـفـصـيـل.... هـا يـخـيـالـه |
