» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر الأديب الحاج جابر الكاظمي - 01/06/2009م - 6:13 م | عدد القراء: 6903



    اشـبـيـهـا الحرم و الأيتام ..... حاجيني يا أرض  الشام
    فــكـري انـدهـل ..... شـنـهـو  الـحـصـل
    حــاجــيــنــي   يــا   أرض   الــشــام

    إجـت  عـيـلـة رسـول الله يـسـاره و لا ولي  يمهن
    بـنـات اخـذور والـدهـن عـلـي و أم الحسن  أمهن
    الـحـرايـر  نـزلـن بـيـا دار و بيش الطاغي  كلمهن
    و  الـلـي  يـذبـح الـولـيـان لا شك صار  يشتمهن
    يـا قـاع الـشـام حـاجـيـني اشعندنج يا خبر  عنهن
    صـريـخ  الـنـوح يـتـعـالـه و نواعي أستمع منهن
    شنهو الجرى و شنهو الصار ..... اشعندج يا كَاع من أخبار
    حــالــي ابـتـدل ..... شـنـهـو الـحـصـل

    مـنـاحـه  اتـفـطـر الـمرمر دعت نار الكَلب  تلهب
    صـرت أسـمـع ضـجـيج النوح تنوح العايله و تنحب
    يـكَـاع الـشـام لا تـخـلـيـن مني الكَلب  يتعذب
    مـنـهـو  انـفـكـد حـاجـيني منهو المات و  اتغيب
    سـكـيـنـه  لـو  عـلـي السجاد أم كلثوم لو  زينب
    مـنـهـو الـمـات مـن عـدهم و خله هالدمع ينصب
    تـاه  الـفـكـر و احـتـاريت ..... منج أناشد  ظليت
    وبــهــا الأهــل..... شــنـهـو الـحـصـل

    جـنـي اسـمـعـت كاع الشام حجت و الضيم  غطاها
    تـكـول اسـمـعـنـي يـالسائل و بدت تشرح خفاياها
    الـيـوم بـتـربـتـي انـفـكـدت يتيمه من بني طاها
    و  لـونـك نـاشـدت عـنـهـا رقـيه الأجل  وافاها
    مـاتـت و الـفـواطـم هـاي بـجـت و ابجيت وياها
    فـكـد هـالـطـفـلـه يـالسائل دمعتي ادموم أجراها
    احـجـي لـي يـكاع اشلون ..... ماتت أريد  المضمون
    و بــهــا الأجــل..... شـنـهـو  الـحـصـل

    أريـدك  تـصـغـي يـالـسائل راح أشرح الك  هالحال
    إجـت عـيـلـة نـبـي الـرحمه عليل و خذر و  أطفال
    و لـمـن نـزلـوا بـكـاعـي و بـيـهم نوخ  الجمال
    مـنـهـم  جـلـمـه  مـا أسمع بس شفت الدمع  همال
    شـفـت طـفـلـة احسين اتنوح دمعها من المحاجر  سال
    عـكَـب  ذاك  الـسهر و الضيم عكب الشدد و الأهوال
    نـامـت رقـيـة و بـالـنوم ..... شافت أبوها  المظلوم
    يــا  مــن تـسـل ..... شـنـهـو الـحـصـل

    رقـيـة  فـزت  مـن الـنـوم مـرعـوبه و تدير العين
    مـذهـولـة  فـكـر ظـلـت تـتـلـفت يسار  ايمين
    لـن  اتـصـيـح يـا زيـنـب يا عمه وين ابويه احسين
    كَـبـل  لـحـظـه شفت وجه و هذا الوجه أصبح  وين
    لـن  زيـنـب تـكـلـلها أجيب من انين ابوج من  انين
    و  عـلـيـهـا ضـجـت الـعـيله تنوح بنايبات  البين
    احـجـي يـكَاع النوح ..... اشلون اختفت منها  الروح
    صــرت بــوجــل..... شـنـهـو الـحـصـل

    أروي لـك بـعـد عـنـدي خـبـر لـلروح  يهضمها
    يـزيـد  اسـتـمـع  هـالـعيله تنوح و تندب ابن امها
    غـده لـعـوانـه يـنـشـدهـم مـعـالم حقد  يرسمها
    هـذي  طـفـلـه كـالـوا لـه حـزينه و نامت  بهمها
    و شـافـت بـالـمـنـام اهـنـاك الأبو يمها و يكلمها
    و لـمـن فـزت مـن الـنـوم لـن والـدهـا مو يمها
    دلالـي يـكـاع ايـريـد ..... يـتـفهم اشسوه  ايزيد
    تــالـي اشـعـمـل..... شـنـهـو  الـحـصـل

    تـدري اشـعـمـل بـيـهـا ايزيد ربيب الخسه و  الذله
    بـعـث  لـلـطـفـلـه احـسين و جمره بالكلب  خله
    و لـمـن جـابـو الـهـا الـراس رقيه انحنت و  اتكلله
    غـبـت يـبـويـه عـنـي ويـن و عـليه المدمع  اتهله
    عـكـب لـحـظـات لن سكتت و هاي الحاله مو سهله
    و طـفـلـه و حـيـن كـلـبـوهـا لنها ميته  الطفله
    مـاتـت رقـيـه بـهـالـيوم ..... هذا الجواب المعلوم
    الــكـلـمـن سـأل..... شـنـهـو الـحـصـل



    موقع القصائد الولائية © 2004 - 2013