يــابــنـي يـابـنـي .. غـبـت عـنـي .. يـا حـسـيـن
كــثــر ونــي .. و زاد حــزنــي .. يــا حــسـيـن
يـا المشيت و خدت قلبي ابروحتك ...و أربعه اوياك ارحلوا من اخوتك
و عـاالـدرب ظـلـيـت أنـطر جيتك ... آنه آنه الفاجده أم البنين
ابدرب جيتك يابني ظل محني الظهر ... افقدت شوف اعيوني يا نور البصر
رحـت يابني و ما رجع منك خبر ... وين ما أدري صرت ياوليدي وين
إنـت شـريـان الـذي ايـوزع الدمه ... يا قمر ضوه الليالي المظلمه
إنـت ريحانة الهادي و فاطمه ... و إنت جبدي و روحي يا روح الأمين
يـبـس عود الصبر من كثر الصبر ... و انتظاري اعليك أمر من الجمر
طـشـرت بـدروبـك اسنين العمر ... يابني و بغيرك فلا تحله السنين
نـذر عـنـدي يـابني لو سالم ترد ... قسم درب الطف أزرعه بالورد
و الله قـلـبي من يذكرك ينمرد ... وصل يصبح يا بو اليمه امن الونين
تـدري بـعـدك فـت دليلي و قطعه ... إلك فدوه كل بنيني الأربعه
إلـك و الأمـك الـزهـره الشافعه ... الحيدر و للطاهره برقبتي دين
مـا درت بـحـسين و بذيج البدور ... سابحه بدماها مقطوعه النحور
جـم شـباب و طفل و بعمر الزهور ... كل فرد منهم عله الغبره طعين |
