» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر الأديب الحاج جابر الكاظمي - 06/06/2009م - 8:10 ص | عدد القراء: 2939



    مـتـبـرعـه مـتـبـرعـه ... ابدم البنين الأربعه
    قـلـبي  احتسب  ... لمن وهب ... دم البنين الأربعه

    الـيـثرب عقب ذاك السفر ... عود ضعن عمر  العله
    و مـن الـزلـم ما مش أثر ... رجعت يتامه و  عايله
    و  مـن نـاشدت لن الخبر ... راحوا ضحايه  ابكربله
    و كـل مـنـهم ابدم النحر ... عهد الشهامه  سجله
    مـتـوقـعـه مـتـوقـعـه ... الهذا الخبر  متوقعه
    قـلـبـي  انبجح ... لمن سفح ... دم البنين  الأربعه

    جـيـت و تـلـقيت الضعن ... لنهن ودايع  فاطمه
    حسيت  لن  جبدي انطعن ... و اعيوني حل بيها العمه
    و  ابـتوت قلبي اتقطعن ... و اعله الأرض قلبي  ارتمه
    و من شفت همت و ارجعن ... كل وحده مدمعها دمه
    صـاح و نعه صاح و نعه ... ناعي الأجل صاح و نعه
    لـن  الـفـخـر ... سجل أثر ... دم البنين  الأربعه

    و  لـن حرمه من بين الحرم ... ربت خدر قصدت إلي
    امصاب  اعله ناظرها انرسم ... و الدمعه من دم  اتهلي
    حـاجـتـني بحروف الألم ... و قالت لوجهي  اتأملي
    و مـن بـحرت حيلي انهدم ... لنها العقيله بت  علي
    بـالـفـاجـعـه  بـالفاجعه ... ردت إلي  بالفاجعه
    صـاحـت يهل ... دمع الأجل ... دم البنين  الأربعه

    نـاديـتـها  و دمعي يكت ... ابقلبي يا زينب  جمرتج
    يـا زيـنـب اشـلون الوكت ... غير معالم  شوفتج
    و آنـه الـحزينه و شاركت ... قلبج ابهاي  امصيبتج
    مـثلج  درب لوعه ازلقت ... و دمعي يشارك  دمعتج
    مـتـلـوعـه  مـتـلوعه ... مثلج صرت  متلوعه
    و  نـلـت  الهدف ... لمن نزف ... دم البنين  الأربعه

    وقـفت لجن وقفت حزن ... تروي لي ما صار و جره
    قـالـت  إخوتي بلا دفن ... ظلت ضحايه اعله  الثره
    و آنـه اطـلـعت فوق الهجن ... ويَ الحرم  متيسره
    لـمـصـاب أبـو فاضل أحن ... خليته جثه اموذره
    و عـالـمـشرعه عالمشرعه ... عفت القمر عالمشرعه
    و  فوق الترب ... تجري و يصب ... دم البنين الأربعه

    يـا زيـنـب امـصاب القمر ... متهمني جمرة  لوعته
    آنـه  ادري إبـنـي اعله النهر ... ظلت رهينه  جثته
    لـجـن دمـع عـيني حمر ... يجري و يسافح  دمعته
    أبـجـي اعـله محزوز النحر ... حرقتني نار  امصيبته
    مـتـصـدعـه  متصدعه ... ابجتل السبط  متصدعه
    بـيـه  انصبت ... لجله اوهبت ... دم البنين  الأربعه

    أذكـر بـنـيني و أحتسب ... بالله و أشد حيل الإبه
    ذاك الـسـهر ما ينحسب ... و لا أذكر اتعاب  الربه
    لـجـن  عله احسين انتحب ... تاخذني شوغت  نايبه
    لـمـصـابـه  قلبي ملتهب ... شيطفي ناري الاهبه
    مـتـلـذعـه مـتـلـذعه ... ابنار الحزن  متلذعه
    دمـعـي  يـهل  ... يجري مثل ... دم البنين  الأربعه



    موقع القصائد الولائية © 2004 - 2013