جـثثكم عالأرض ظلت رميه...و دفنكم يا هلي يصعب  عليه يـا حـيـدر يـا حماي...لو تقدر قوم إوياي...يصعب عليه صـافـن كـل جـزء بـالـكـون داري إبـحيرة الصفنه مـن شـاهـد عـلـي الـسـجاد و الدمعه إبوسط  جفنه إبـيـا قـطـعـت نـسـيـج إتلوق يلف حسين و  يجفنه إبـيـا حـالـه يـشـيـل الـنـور عـن القاع و  يدفنه الـمصيبه و دفنته لحظه رهيبه...دفنته و عاشت إويايه  المصيبه و إتـأثـر قـلبي إبهاي....لو تقدر قوم إوياي...يصعب عليه أخـويـه إشـلـون أدفـنـه إشلون يحيدر هالأمر  يصعب كـوكـب عـالأرض مـطـروح و بـعطر السمه إمخضب تـقـطـع  جـسمه بس من طاح كل قطعه إصرخت زينب جـبـيـنـه  إمـتـرب  و حـسين جبين المصطفه  إمترب شـبيه  المصطفه  اليحمل صفاته...ذبيح و غربت كمرة  حياته و إمـطـبر فت إحشاي...لو تقدر قوم إوياي...يصعب عليه مـعـنـه الآيـه بـالـقـرآن جـعل بالماي كل شي  حي و الـواجـب عـلـه الـعـبـاس يـقـدم للعطاشه  المي إذن  شـخـصـه حـبـل مـمدود ما بين العطش و الري الـقـمـر  داس الـشـريعه و طاح و إتلاقه النهر و  الضي دخـيلك يا علي و إشلون أدفنه...إذا كل البخت لايد  إبجفنه هـالـمنظر  جنب الماي...لو تقدر قوم إوياي...يصعب عليه حـيـن  الـلـي  دفـنـت حسين سمعت إحجايه من نحره يـطـلـب  جـسـد  عـبـدالله يـتـوسد على  صدره نـفـذت  الـطـلـب بـالـحـال لبويه و طاوعت أمره رضـيـع  حـسـيـن فـوق حـسين مددته إبوسط  قبره فـجـيـعه يا علي و الله فجيعه...أبويه و يندفن وياه  رضيعه شـتـصبر  ضاع الراي...لو تقدر قوم إوياي...يصعب  عليه طـويـت الأرض يـا جـدي و روحـي الـحزن ضاهدها تـمـيـل و تـصـل لـجـدامـي بـس الـصبر يسندها لأن زيـنـب بـقـت بـالـضـيـم ويـه العيله  وحدها لا  أقـدر أرد لـيـهـا و هـيـه إشـلـون شـيـردها وحيده أم الحزن ظلت وحيده...و عله زينب يحيدر مو جديده وسـط  الـبر يا مولاي...لو تقدر قوم إوياي...يصعب  عليه