هاي      المفاخر...للشعائر...واضح     الدور يا   من   تحارب...للمواكب...كلشي    منذور كل   ذكره  ينساها  الزمن...ما  ينسه   عاشور رب     البرايه    هالأرض    خصها     ابكرامه مضرب   مثل   بين   الدول   صرنه  و   علامه حيرنه    كل    زاير    يجي    ابهاي     الخدامه يدلل     الحد     ما     يرد     لهله    ابسلامه ما   تظل  كباره...و  لا  إماره...ننسه  الأثنين أهل   المناصب...و   العوام...ابخدمة    حسين تتساوه    أولاد   الصريفه...و   أهل    القصور كل  ذكره  ينساها  الزمن...  ما  ينسه  عاشور مو  كلشي  ينقاس  ابعقل  لو  يدخل  احساب من    معجزه    من    تنولد    لتدور    أسباب احنه    ابوجه   زاير   أبد   ما   نطبق    الباب نحسبهم   إخوان   و   أهل   منعدهم    أغراب هاي   المحبه...و   الله  عجبه...امحيره   هالناس نتباهى   بيها...و   نشتريها...و   نرفع   الراس بالأربعين     الخدمه    عدنه...اتصير     دستور كل   ذكره  ينساها  الزمن...ما  ينسه   عاشور كل    اليدور   عالفخر   و   ايسولف    أخبار يتباهى   بأولاد   و   ملك  و  بإسمه  جم   دار احنه    الفخر    عدنه    اشكثر   نتلقه    زوار واجم    غريب    بموكبي   و   انضيفه    خطار ريت  احنه  صرنه...اتراب فوقه...الزاير  يدوس مو  بالصواني...انحط  أكلهم...و  الله  عالروس و  اليدخل  اعله  امضيفه  زاير...حيل   مسرور كل   ذكره  ينساها  الزمن...ما  ينسه   عاشور امن    الفاو    حد    الكربلا   درب   المفاخر هذا   مضيف   حسين  و  الله  ابكلشي   عامر نسهر    و    نتعب    لليجي    مو    للمظاهر سجلنه    يمك    يا    حبيب    ابن     مظاهر شيب و شباب...اتعوف كلشي...و تسهر أيام سجلها    يمك...يا    حبيب...الرتبه     خدام تخدم   الزاير   من   يجي...و   ما  تقدر   اتزور كل   ذكره  ينساها  الزمن...ما  ينسه   عاشور سألونه    عن   هذا   العدد   وشقد    تضيفون و   اشلون   يكفيهم   صرف  وشقد   تصرفون قلنه   الضيوف   اللي   تجي   امعزبها   مضمون ضيف  الحسين  اللي  يجي  مو  ضيفنه   ايكون شيخ     العشيره...ما    يقصر...ويه     خطار اشلون   الحسين...اللي  يقصده...يعوفه   محتار كل   زاير   ابعين   أبو  اليمه...و  الله   منظور كل   ذكره  ينساها  الزمن...ما  ينسه   عاشور