على احسين اتجمعت سبعين الف – شاهره البيض اوروياها ترف
---------
شلها من دين اعله بن كنز العلوم – آل سفيان ولعد چتله تروم
من يصل هاشم لبو اليمه تـگوم – يصعد العالي وبساميها ايهتف

ويـن المحـشم المسـرا يســتعد – يصل لهل الشيم والعز والمجد
انهار مع ليله لعد دربه يجد – مايوانه اوما يعن اوما يخف

لو بغه يـگصد صناديد الطعن – ما يربض من يجد اومن يعن
يركب الطيبه الخفيفه من الهجن – ما تمل السير للبيده تسف

عـگب ما يـگطع فيافي والحزوم – يصل حي هاشم اوينده ياكروم
يالتحلـون اللـوازم للــزوم --- وبصوارمكم التعصب تنـچتف

اليوث عدها الموت يوم الحرب عيد – ريتها ابكربله اومنواي اشيفيد
اتعين ابو السجاد من يثـگل الويد – وتسجي صخر اوحرب چاسات الحتف

لـچن بيها اللي يبذلون الارواح – دون ابو السجاد ولها الفرح لاح
يحسبون الكون غيده والرماح – اجعود ومن اسيوفها اليلمع زلف

مثل ابو فاضل اليـگطر صارمه – موتها ونعمين ابن حامي الحمه
زلزله اعله الـگوم چنّه من السمه – يصدف اليوث الوغه ولاينصدف

صالة السبعين على الماتنحصه – عدد وهي ابكثر مايحصه الحصه
چنّه موسى حسين وانصاره العصه – ونوت ابسفيانها الـگاع اتخسف

عـگب ما شرگوا هامات الابطال – لمن وادي اطفوفها من الحمر سال
ما سوه المحتوم ذبها اعله الرمال – او گام ريح الهوه اعله اجثثها ايعصف