يالمحجوب صمصامك أصده اوبالطبر سنه – بيك الدين يستصرخ راح اوراحته السنه
-----------
راح الدين يالمهدي مابي نفس بس نـگاد -- صرنه ابحيره اوفتره اودور الجاهليه انعاد
مالت للهوى الاسلام غيرك مالها رداد
ماتظهر يالمغيّب--اصبح دينكم ملعب--لوين الياكتر نذهب
واحنه نلهج ابذچرك ولطلعتك نتمنّه

وانته الملتزم بالدين يالمحجوب من ينظام – اظهر وانشر احكامه وانشر راية الاسلام
آيات القلم متفيد تنفع آية الصمصام
سِلّه اوصيح ياللثار--ظلع الزهره والبسمار--واذكر ماجره بالدار--من گادوا علي الكرار
يبن الحسن واتذكّر اشلون ابنود چتفنّه

واعله الغلب عين اعداك نامت واسهرت عينك – وصواب الشماته امـچيد سل السيف بيمينك
صدرك للصبر وادي صار او خدرت دينك
ماتجزع ولااتمله--اظهر واستر الخلّه--نتم بالنوح نتسلّه
نبـگه بالحزن نـگه اولابالعيش نتهنّه

سجنك ماگضه اووعدك وايامك نعد بيها – انـگول اتصفي الخابط او بلـچي انشوف صافيها
دبه الشك ابضمايرنه ما تظهر تداويها
آه اوآه يالمهدي--جرح البلـگلب يدّي--سر امن العزم عندي
ما بوحه يبوح السيف بالهامات لو غنّه

سيف الهظم والذلّه وذّر بالحشه او خذّم – اودعه اگلوبنه تغلي اونتسلّه ابـچي المأتم
نلطم عالصدر ونسيل دمع اعيونّه والدم
من نذكر مصايبكم--نـگول الله يساعدكم--اويمته اتصير دولتكم
واحنه اوياك من تظهر ابدم اعداك نتحنّه

مايبره الجرح وايطيب من احشاي چيف احشاك – تبره اوتستلذ ابماي اوتقبل للونس عيناك
وامضه من السنان اعليك من نعتب اونتنخاك
سجنك ما گضه الهالحين--ياعزنه اويروح الدين--ناسي ماجره اعله حسين
بالطف من عـگب چتله جسمه الخيل داسنّه
--------------------