نذر علي لأن عادوا إن رجعوا لأزرعنّ طريق الطف ريحانا
وبها يخاطب صاحب الأمر الامام المهدي بن الحسن (ع)
نذر علي يجب مازال --- ان عوّد الله ابشمل عدنان
لعمل وليمه واصوم اهلال --- وازرع طريق الوطن ريحان
*****
يوم المبارك هذاك اليوم --- بيه المصيت الثاره أيـﮕوم
يشفه ابسيفه حشه المالوم --- من حيث لوم الهظم چتال
ماتنطفيله أبد نيران
كل المصايب يليث الكون --- سهله وعليها تنام اعيون
إلّه الهضيمه امحال اتهون --- تسهر عليها العيون اليال
جور الشماته او شفه العدوان
ما ياولينه ينور العين --- منك رساله تحي الدين
بسمك يحشم نجيع احسين --- ينخاك راسه على العسال
وجسمه يندبك على التربان
شمس الهواشم بدر غالب --- ولسه يظغيم تظل غايب
انهض الدمكم اوبي اوطالب --- بالدهر مثله فلادم سال
برضاك دمكم يظل غدران
يتثنّه خصمك اوعطفه يميل --- اويضحك اودمع المحب ايسيل
عندك يضيغم جياد الخيل --- تشـچي هضمها اوتريد ارجال
ماتامر إلها ابوكت ميدان
تدري الودايع بنات الدين --- من غاب عنها وليها حسين
هجمت عليها الكفر صوبين --- آه اويويلي تون واطفال
والخيم بيهن تشب نيران
****************
