عندك وصيه...قبل المنيه
خويه يا خويه
بطفال من اتوصينه...راح اتوصي إلمن بينه
خويه يا خويه
الليله يحسين بخيمنه اويانه سهرانه المنيه
تنتظر فجر المصيبه يطلع اعليك وعليه
خويه واتودع خواتك للشبيبه الهاشميه
حته عبدالله يخويه امساهر ايودع رقيه
وبيهن اخيامي...كل قلب ضامي
خويه يا خويه
وبضمانه لو ظلينه...راح اتوصي إلمن بينه
خويه يا خويه
إلمن اتوصي بعطشنه والعده لزمت نهرها
وفاطميات بخيمنه إلمن اتوصي بخدرها
وأدري كل اشبول تمشي يحسين القدرها
لا يظل جسام عدنه لا علي بشدة خطرها
وبظهر المصاب...ينذبح كل شاب
خويه يا خويه
وميظل واحد يحمينه...راح اتوصي إلمن بينه
خويه يا خويه
خويه بعيون الفجيعه خيمه خيمه اتفقدتها
وهذ كل أم اويه ابنها اتقبل ابنحره شفتها
وللصبح بالماي كلها هالعطاشه واعدتها
خويه وبصبري وبحناني طفله طفله سكتها
وبقلب صابر...أنتظر باجر
خويه يا خويه
لا صبّح صبحه اعلينه...راح اتوصي إلمن بينه
خويه يا خويه
راية العباس يمها امأمنه العيله يخوها
الليله مهيوبه خيمها الهيبه هذي ايسلبوها
من تطيح الرايه هذي والجفوف ايسّحقوها
تنطفي اعيون الغرايب اعضيدي لو عينه طفوها
هالليله يمنه...هيبة خيمنه
خويه يا خويه
اتروح اويه اجفوفه وعينه...راح اتوصي إلمن بينه
خويه يا خويه
عالنهر يهوه عضيدك ينحني بغيابه ظهرك
انت يحسين اخبرتني وصبرتني بهذا صبرك
الليله أشوف الموت سيفه خويه سهران اعله نحرك
وهذي خيل امطوقتنه امتانيه الخيّاله صدرك
واعله باب الليل...منتظره هالخيل
خويه يا خويه
تصبح واتغير اعلينه...راح اتوصي إلمن بينه
خويه يا خويه
قلت لي يا زينب اصبري وعيلتي صبريها يختي
لا تصيحي اقبال طفله لو حجر رضها الجبهتي
للسلب خويه استعدي لو سهم طاح ابجبدتي
ما تظل لخيامي هيبه من يسحقون اعله جثتي
قلت لي الحراير...تنسلب باجر
خويه يا خويه
للسّلابه اتخلينه...راح اتوصي إلمن بينه
خويه يا خويه
وجهك الليله أودعه والصبح ألقاه امخضب
انت بالمصرع يخويه وآنه بين اخيام تلهب
انت خيّاله اعله صدرك والسياط اعليه تصعب
محد اتهزه الحميه لو صحت خدري تسلب
هالليله خدري...ابين أخوه ادري
خويه يا خويه
وباجر من امسلبينه...راح اتوصي إلمن بينه
خويه يا خويه
