يـا  شـاطـي الـموت حاجيني .......أنا العباس تدريني.......أريد الماي ..أريد الماي تـريـد  أنـطـيك جفيني ......أخذها وهاك ضي عيني.......وأبيع دماي..أريد الماي نـهـر  الـفـرات ويـاك.......جـيـت أحـجي وأتمناك.......تسمعني لو  ناديت عـيـالـي اتـركـتـهـا هـنـاك.......عطشانه تترجاك.......هذا أنا يمك  جيت مـا تـدري مـنـهـو الـجـاك.......عـبـاس أنـا الفتاك.......ولجرفك  تعنيت إي والـذي أجـراك.......بـالـسـيـف أسـد مـجراك.......لو بالعذب شحيت عـفـت أطـفـال بـخيامي.......أروي اليوم كل ظامي.......أنا العباس ..أنا العباس أقصدت والموت جدامي.......سحقت الجيش بجدامي.......على رغم عداي..أريد الماي بـالـخـيـمـة عـفـت أعـيـال.......عطشانة والأطفال.......تشرب نمير العين وأنـا أعـلـى ذاك الـحـال.......بـمـنـاثـر الجلال.......ودعت أخوي حسين وبـمـدمـعـه الـهـمـال .......ويـايه يحجي وقال.......عليك أخشى مني البين يـا  أبـا  الـفـضـل أهـوال.......خـيل وفزع وارجال.......تتحاوشك  صوبين صـحت يا حسين لا يهمك.......العلامة وياي ضلع أمك.......أنا العباس ..أنا  العباس الـخـيـار يـصير من خصمك.......تريد الماي لودمك.......أقول بهاي ..أريد الماي ودعـتـه  لـلـمـظـلـوم.......جـيت وشفت هالقوم.......جدامي مثل  السيل شـفـت الـدرب مـلـزوم.......خـيـل ورجـال تحوم.......تتخطى عاليا  ويل عـلـيـهـا  الأجـل  مرسوم.......عطشى وتريد أدموم.......وصاعد عجاج  الخيل والـحـومـة جـنـهـا غـيـوم.......وأصـبح نهار اليوم.......يشبه سواد  الليل رجـال وخـيـل حـاطتني.......صحت والقوم سمعتني .......أنا العباس ..أنا  العباس ثـدايـه  الـطـيب  رضعتني.......وحجور الزود ربتني.......وأنا الوفاي..أريد  الماي عـزمـي  أنـفـجـر بـركـان.......وأنذهلت الفرسان.......ما تدري وين  تروح وتـمـاوج الـمـيـدان.......والـدم صـبـح طـوفـان.......مهري سفينة نوح طـايـف  عـلـى الأبـدان.......وتـغـطـت التربان.......موج الدمى  المسفوح شـردت  بـلا أذهـان .......مـن شـافـت الـعـدوان.......درب المفر  مفتوح الـخـصـم بـالـسـيف ذليته.......لدرب الموت دليته.......أنا العباس ..أنا العباس دمـاه  يـفـوج خـلـيته.......سواد الليل راويته.......أقصدت عناي ..أريد  الماي جـان  الـدرب مـسـدود.......خـيـل وزلـم وحـشود.......ماهمني  وتخطيت ويـايـه جـبـت الـجـود.......هـذا أنـا بـحـر الـزود.......يـاما زلم ذليت يـالـشـاطـي  وأنـت شـهـود.......خـل يشهد المعبود.......هذا العهد  وفيت حـفـظ الـعـهـد مـريـود.......لازم أرد ردود.......تـدري شقلت شحجيت إذا هـالـمـاي مـا حـصـله.......النبع أفنيه من أصله.......أنا العباس..أنا العباس أرد بـالـجـود يـامحلا.......أضحي الروح من أجله.......يضل رجواي..أريد  الماي نـهـر الـفـرات شـلـون.......بـيـك العدى يحيطون.......يا من وعدتهم جان هـالـعـايـلـة يـمـنـعـون.......مايك ولا يدرون.......عبد الله ضل  عطشان وأطـفـالـي  يـنـتـظـرون.......قـطـرة عذب يردون.......منتظرة بالصيوان مـشـبـوحـة  مـنـهـا عيون.......ومن الظمى يشعرون.......وسط المهج  نيران أرد بـالـجـود وأتـمـنـى.......لأخـوي حسين أتعنى.......أنا العباس..أنا العباس بـيـمـيـنـي السيف يتغنى.......يردني الجيش ما ظنه.......ثبت هالراي..أريد  الماي هـنـا  يـا الـفـرات تـشـوف.......بـالـماي أرد ملهوف.......وأتعنى للأيتام أرجـع وأنـا الـمـعـروف.......مـا يـهمني جيش وخوف.......متهمني هلأزلام وش  مـا تـجـي لـصـفـوف.......رمـاح ونبل وسيوف.......أفنيها بالصمصام لـو قـطـعـوا لـجـفـوف.......بـالـجود أرد زحوف.......وأقصد أهل وخيام حـرم وأطـفـال يـتـنـونـي.......أريد الماي يردوني.......أنا العباس ..أنا العباس عـدى  الأشـرار يـلـفـوني.......سهم بالعين يرموني.......قطع يمناي ..أريد  الماي