چلـمـة وتـشـيـب الـراس .. احچيـهـا للعباس
يــاعــم تــرانــي .. يــابــس لـسـانـي
طـفـلة من الاطفال طلعت شچاية .. تصرخ ياعمي وينك
لـلخيم روح ادخل ياراعي الراية .. ادخل وشوف بعينك
والـوعـد حـامـي الـوعد ياوفاية .. بين العيال وبينك
هـذا الـفرات گبال عينك ماية .. وجودك ياعم بيمينك
وانـكـتـبـت بـعـيـنـاي .. چلـمـة اريد الماي
تــحــمــل مـعـانـي .. يـابـس لـسـانـي
لـلـخـيـمـة لـمن تدخل شتتوقع .. ياموقف يمر بينة
ويـا چلـمة من مهجة اطفالك تسمع .. چلمة الموعد وينه
نـشـرب دمـعـنـا وهالدمع ماينفع .. دمعتنا ماتروينه
ومـن العطش حتى الرضيع اليرضع .. لاجت الدمعة بعينه
صـب الـدمـع شـيـفـيـد .. يـاعـمي ماي نريد
ودمــعـي شـكـفـانـي .. يـابـس لـسـانـي
كـلسا طفل عالگاع يوضع صدره .. يحسب الگاع تنفعه
ومـن يـشـعر بهذا التراب وحرّه .. يبچي ويگوم بسرعة
وثـانـي طـفـل يـطفي الجمرة .. لو شرب سيل الدمعة
وثـالـث طـفـل امه تسيل العبرة .. تريد بدمعها ترضعه
ورابـع طـفـل مـشـغـول .. يـبدي العتب ويگول
چم دوب اتــانــي .. يــابــس لــســانـي
يـالـواعدتنه بهالوعد وعدك حان .. ونار الگلب متوهجة
ياابالفضل نشفت گلوب الرضعان .. وبالخيم صارت ضجة
بس الدمع يحچي وسكت كل لسان .. ماعدهة حيل ومهجة
بـس تـنسمع چلمة الماي وعطشان .. وچلمة أمل نترجه
بـكـل خـيـمـة تـسمع صوت .. ياعمي حان الموت
حــان ولــفــانــي .. يــابـس لـسـانـي
وتركت وسط الخيم اختي سكينة .. تحچي وية عمتي زينب
و تگلـهـا يـاعمة الكفلنة وينة .. مايدري گلبي تصوب
مـايـدري نار العطش ظلت بينة .. تلهب وتطفى وتلهب
مـايـدري ياحالة التمر علينة .. تحچي وية عمتي وتنحب
تـصـيـح بگلـب مـجـروح .. شيحمل عذاب الروح
جــمــرة زمــانــي .. يــابـس لـسـانـي
احـتارت تصبر ذيج وتسكت هاي .. والگلب يسعر ناره
كـل الـعيون اليوم تشبح للماي .. رابي العطش واخباره
كـل گلـب يـصرخ اه يانار ضماي .. وشخلفت اثاره
يـاعـمـي گلـبـي احـتـار .. شـيطفي هاي النار
جــودك ضــمــانــي .. يـابـس لـسـانـي
تـعـنـتـك زينب عمتي يالوالي .. وصاحت بدمع يجري
عـبـاس مـاغـيـرك يـصبر حالي .. تعلم بحالي وتدري
نـار الـمـصايب تسعر بدلالي .. وجمر العطش ظل يسري
مـاادري اشـرحـلـك ام عيالي .. ماادري اشرح امري
چم مـهـجـة تـتـرجـاك .. وحـتـى الـنهر يتناك
تــعــلــم شـجـانـي .. يـابـس لـسـانـي |
