عـالـمـشـرعـة الـعـبـاس صـاب الـسـهم عينه أحّـا  يا سهم العين و انكسر ظهر حسين(و احنا انقطع  بينا) قـابَـلَـت  شاطي العلقمي و فَجَّر دمعها(و أَحنت  ضلعها) صـرخـت وديـعة فاطمة بصرخة فزعها(و أَحنت  ضلعها) يـا  قـمر هاشم مصرعك لأختك فجعها(و أحنت  ضلعها) جـتّـال  اخـوك حـسـيـن فـرهـد  صـواويـنـا و الـسـهم و العمود قطّع جفوف الجود(و احنا انقطع  بينا) عـبـاس  تـذكـر سـاعـة اللي طلّعتني(و انته  اكفلتني) مـاحـرمـة مـثـلـي تـدللت يالدللتني(و انته اكفلتني) مـكـتوب  لي سوط العدا يطقني على متني(و انته  اكفلتني) شـوف  الـزمـان شـلـون صـابـت  نـيـاشـيـنا يـالـمـنفقد شوفك و انقطعت جفوفك(و احنا انقطع بينا) عـبـاس  تـذكـر نـاقـتـي مـن جهّزتها(بيدك  قدتها) فـوق الـحـريـر بـرايـتـك مـن برقعتها(بيدك قدتها) و عـالـنـاقـة تـذكـر يـا عقيلة الركّبتها(بيدك  قدتها) و لـكـربـلاء بـحـمـاي يـا خـويـة طـبّـيـنـا مـاجـنت  اظن عالماي ينهدم سور حماي(و احنا انقطع  بينا) عـبـاس  فـاتـنّـي  و مشن بيض الليالي(كل جارة  مالي) و  انـطـوى بـطيحة رايتك عزي و دلالي(كل جارة  مالي) زيـنـب أنـة و مـاشـافت الوادم خيالي(كل جارة  مالي) أصـفـن  و أحـاجـي الـروح ويـن الـخـدر ويـنه نـادتـنـي خدرج راح طاح الموزّم طاح(و احنا انقطع بينا) جـنـه  بـطريق  العلقمي جسمه يتقلّب(صاح على  زينب) عـتـبـج  ضهدني  و لا تكثرين المعاتب(صاح على  زينب) سـبـيـج و نـيران الخيم بالقلب تلهب(صاح على زينب) تـدريـن  أخـوج  شـحـال مـابـيـنـج و  بـيـنه و آنة ادري بيك اشصار مُخَّك غدة طِشّار(و احنا انقطع بينا) عـتـبي يا بو فاضل ترة و النحب و النوح(من لوجة الروح) حـق الـمـعتاب عالعدم مو على المذبوح(من لوجة الروح) و  آنة  ادري بيك امقطع عالشاطي مطروح(من لوجة الروح) أعـتـب  و أريـد عـتـاب قـلـبـي  يـسـلـيـني و  أنـت  الأجل وافاك و اتغسّلت بدماك(و احنا انقطع  بينا)