يـا عـبـاس مـن عـقـبك وين الحرم منواها
لـلـعـبـاس إجت زينب و طفل احسين وياها
تـشجي امن العطش حاله و تجري ادموع عيناها
طـبـت لـعـنـد صـيوانه و منها العين هماله
تـقـلـه شـوف عبدالله اشسوه العطش بحواله
يـخـويـه يـبـس إلـسانه و ذبل هرش دلاله
و أخـاف ارويـحـته اعليها يخويه يلحق اضماها
أشـوف ايـديـر بـعيونه و يتلفت لعد جودك
تـرضـه ايـمـوت عبدالله يبحر الجود بوجودك
يـخـويـه الـمثل هذا اليوم إلنه داخرك عودك
و مـن الـعـطش يا عباس نار و تشب احشاها
يا خويه أطفال اخوك احسين كلها اتصيح عطشانه
حـر الـعـطـش مـاذيها و تتلاوح ابصيوانه
يـا عـباس أخوك احسين شنهو اذنوب رضعانه
تـسـل الـسيف بيمينك و تحوربها عله إعداها
لـمـن شـاف عـبدالله شاف الدمع من زينب
تـغير و انخطف لونه و لاح الزعل بيه و أغضب
شـال اعـلـه المتن جوده و سل ابجفه المذهب
لـجـري لـج بـحر هاليوم يا زينب من ادماها
يختي الخيمتج ردي و بشري أطفال أخويه احسين
خـلـيـهـم يـتانوني و آنه الماي أجيبه الحين
و قـامت زينب اتهلهل و شبحت عالطريج العين
ويـن الـيـوم مـنـواكم و لفت كل رواياها |
