هـذا انـت خويه و هاي فضوة  خيمنه لـزمـت  يـمين السيف قبضت  يمينك يـقـطـع  لـجام الموت صارم  يقينك فـتـنه العطش و الماي من عدنه  مفقود يا خويه من كل صوب هالشاطي مرصود يـا  بـا الـفـضل هيهات يبرد  غليلي فـطـر  صـميم  إحشاي لا يا  كفيلي عـبـاس  أريـد أنـخاك و اسمع نخوتي مـتـحـيـره  و ظـليت أترجه  موتي نـار  الـعطش و اتلوب بالخيمه  لطفال يـا خـويـه و احتاريت يا جلمه  تنقال مـنـك نـريـد الـماي يا خويه منك عـنـدك  بـنـات اخدور بالهم  لفنك بـمـخـيـمـك رضعان شاجر قلبها مـن  عـيـني دمعه و نار لجلك  أصبها

و  الـشـاطـي ما هو ابعيد هاوينه يمنه بـالـخـيمه  كلها اتصيح والينه  وينك و اعـلـه الـخـيم بالزود يخفق علمنه جـود الـسقايه اوياك يا صاحب  الجود مـسـتـعـره بـالأرواح جـمرة ألمنه هـذا  الـعـطـش بركان وجر  دليلي لـيـث  الوغه و حاشاك ترضه ابهضمنه انـت  الـكفلت احماي من دون  اخوتي ابـديـرة  غـرب و الموت يلهج  بإسمنه أشـرح إلك يا حال حال أدهه من  حال عـطـشـانه امن الماي خصمك  حرمنه كـل  لـحظه طفله اهناك تنشدني عنك غـيـرك يـا سيف الموت ما يجلي  همنه و امـخـدرات اويـاك تـسمع  عتبها لـو فـارقـتـنه انشوف غارة خصمنه