ضـلـعك وضلعي .. غيرن وضعي .. ومانشف دمعي
يـحـسـين انا امك يوليدي .. انا الزهرة ويمك جيت
بـيـا حـالـة اتعنيتك يبني .. بنوحي والامي تعنيت
شـفـتـك عالتربان گبالي .. صبيت دموعي وناديت
ريـت الايـد الگطعت نحرك .. هالايد انشلت ياريت
بـالـعـالـم مـصـابـيـن .. ضـلـعك وضلعي
وتـكـسـرت صـدريـن .. ضـلـعـك وضلعي
يـحـسين انه الزهرة وجيتك .. اصرخ اه يبني المذبوح
عـطـشـان وهـالنار بگلبك .. تتلاهب مابين الروح
هـاك اشرب من ماي عيوني .. واتروى بدمعي المسفوح
لـيش على التربان موسد .. گوم اغفى بگلبي المجروح
يـبـنـي شـتـسـوف الـعين .. ضلعك وضلعي
وبـمـهـجـتـي صـوابـيـن .. ضلعك وضلعي
يـحـسـيـن اتعنيت وشفتك .. طايح مابين الارجاس
يـولـيدي مصابك ومصابي .. نفس الحالة ونفس الناس
لـو مـاضلعي تهشم گبلك .. ضلعك بالطف ماينداس
شفتك مذبوح على الغبرة .. بس جسمك چا وين الراس
مـتـحـيـرة بـأمـريـن .. ضـلـعك وضلعي
صـار الـكـسـر كـسـريـن .. ضلعك وضلعي
حـيـرنـي مصابك يوليدي .. وماينشف دمع الاحزان
مـاتـخـمـد ناري ولا نارك .. شيخمد هاي النيران
لـمـن غـابت روحك يبني .. منهو الحاضر يمك چان
لـيـش مـغسل من دم نحرك .. ليش مچفن بالتربان
اصـل الـمـصـيـبـة مـنـين .. ضلعك وضلعي
يـحـصـل دواهـن ويـن .. ضـلـعـك وضلعي
انـشـد يحسين ومن نحرك .. أرد أسمع يوليدي جواب
مـن صابوا طفلك عبدالله .. وبعيونك شاهدته انصاب
هـم ذكـرتـه لـمـحين لمن .. طاح بدفعة ذيج الباب
چم لـوعـة تحمل دلالك .. عينك شافت چم مصاب
مـصـوب بـصـواب الـبـيـن.. ضلعك وضلعي
وتـحـيـرت مـابـيـن .. ضـلـعـك وضـلعي
حـال امـك يوليدي تغير .. من شفتك والمدمع سال
والنوب أرد أنشد عن حالك .. ليش موسد فوق رمال
اگعـد خـل أفرشلك روحي .. ويغسلك دمعي الهمال
گبـرك مـحـفـور بـدلالـي .. گوم اتوسد بالدلال
شـاف الگلـب هـضـمـيـن .. ضلعك وضلعي
واتـحـمـلـت حـزنـيـن .. ضـلـعك وضلعي |
