خـويـة  اشبدية**  يبن الزجية**عنك رحت** دمعي يكت** يبن الزجية عـفـتـك جـسـد فـوق الـثـرى و مـن كـل كـتـر  مجروح يــمَّـك رِدِت يـا خـويـة اظـل و الـطـم وجـيـم الـنـوح اخـتـك بـعـد عـنـدهـا اشـبـقـى و الـمـن يا خوها تروح فـوق الـرمـح قـلـبـي اعـتـلـى ويـا راسـك امـسى  يلوح عـفتك  رمية  **فوق الوطية**مودَّع صحت** دمعي يكت** يبن  الزجية يـا حـسـيـن أبـد مـاتـنـطـفـي جـمـرة مـصـابي  عليك بـدمـع الـهـضـم طـول الـعـمـر صـبـح و مـسـية أبجيك بـيـدي اشـيِـطِـح يـامـا رِدِت خـويـة بـحـيـاتـي أفديك قـلـبـي الـيـحـن كـلـمـا يـدق سـر دقـتـه  طـاريـك و  يـردف علية** بوَنّة شجية**حقي و نِحِت** دمعي يكت** يبن  الزجية هـاك  الـعـهـد  عـهـد الـوفـا مـن زيـنـب اخـتـك هاك لــمَّــن يــحـل مـنـي الأجـل يـبـن أمـي مـا أنـسـاك و بــكــربــلاء اشــعــنــدي أمـل عـفـتـه  ويـاك دم الــقــلــب خـويـة نـزف بـالـمـصـرع ويـا دمـاك ولـنّـي  سبية** ويا آل أمية**طول الوكت** دمعي يكت** يبن  الزجية يـا حـسـيـن الـك كـالـسـاع أحـن يـبـن أمـي يا  مظلوم و مـثـل الـقَـطَـة يـفُـر الـقـلـب مـن الـحـنـان يـحوم مـن مـثـلـي مـن هـاي الـنـسـا شـافـت حـزن و هـموم أذكــر و أحِــن أبــجـي و أوِن خـلـي الـيـلـوم يـلـوم و أتـمـنـى لـية** تدنى المنية**بحيرة طِحِت** دمعي يكت** يبن الزجية بـعـد الـشَـمِـل لـنـهـا بـقـت يـا خـويـة وحـشة  الدار و  مـن الـهـضـم ظـلـمـة اصـبـحـت بـعـيـوني ليل  نهار و بـعـد الـخِـدِر بـس حـسـرتـي عـنـدي بـقـت تـذكار دمـعـي جـمـر خـويـة و قـمـت بـالـنـار أطـفـي  الـنار تمسي المسية **و دارك خلية**وحيدة اصبحت** دمعي يكت **يبن الزجية