أضف الموضوع
الشاعر السيد سعيد الصافي الرميثي - 06/07/2009م - 8:00 م | عدد القراء: 5269
يـازايـر زيـنب اگصدها … تحصل رادتك عدها
بيقينك زور … ترد مسرور … تحصل رادتك عدها
يـازايـر امـن تـيـقـن شلك من حاجة مقضية
اذا تـعـرف كـدر زيـنـب اذا تدعي بصدق نية
رضـيـة وزاكـيـة وحـرة تـعنت ربهة مرضية
كـرامـة الـخـالـق انـطهة شفاعة وهيبة قدسية
وسـيـلة لرحمتة وعطفة ... بكرمهة بفضلة وبلطفة
سند مذكور ... ترد مسرور ... تحصل رادتك عدها
يـازايـر اطـلـب شـرايد يهون شما إلك مطلب
مـشـيـأت خـالق القدرة وجاهة بت علي زينب
شـتـريـد الـباري ينطيهة وعليهة ياطلب يصعب
الـدعـاء بـكبت اخت حسين قبولة مأكد مجرب
عـطـر حـضـرتـهـة ليشمة يطيب وينجلي همة
تشم عطور ... ترد مسرور ... تحصل رادتك عدها
يـازايـر لـو ردت مـنـي دلـيل اليقنع وبرهان
اذكـر مـوقـف لـزيـنـب بيه يتجسد الايمان
روفـعت جسم اخوهة حسين بيديهة وناجت الرحمن
يـاربـي لـون يـرضـيـك تقبل منة هل القربان
تـناجي وبدمع جاري ... هدف زينب رضة الباري
تـقدم نذور ... ترد مسرور ... تحص رادتك عدها
يـازايـر تـشـهـد لـزينب خصال المحد يعدها
امـهـة فـاطـمـة الـزهرا وطه المصطفى جدها
وحـيـدر حـاضـر الشدات حامي دخيلة والدها
وكـاصـد لـلـحسن وحسين المن البعد يكصدها
تـسـر بـجـيتك اوخوتهة ... يهل كاصد زيارتها
صحنها تدور ... ترد مسرور ... تحصل رادتك عدها
يـازايـر يـالـمـوالـي زحوف لمرقد زينب اتعنة
والـزم بـيـدك الـشـباج وابجي واجذب الونة
مـصـايـب زيـنـب اذكرهة واطلب منهة واتمنة
شـفـاعـة اخـرة ودنـيـة ضمانة مغفرة وجنة
واذا تـذكـر فـضل عمهة ... يهل زاير ترد منهة
بذنب مغفور ... ترد مسرور ... تحصل رادتك عدها
يـازايـر بـالـزجـيـة انخاك وذمة بركبتك ذمة
مـن تـوصـل كـبر زينب اخت حسين ابو اليمة
اريـدك عـدهـة تـدعـيـلي دليلي ينجلي همة
واريـدانـك عـوض عـنـي كبرهة تقبلة وتشمة
مـرامـك لابـد تـنـولة ... بأجر وزيارة مقبولة
عهد مذكور ... ترد مسرور ... تحصل رادتك عدها |
|
