زيـنـب  تـنـادي .... وتـسچب لـعبره والحزن  چاسيها أوچبـت  زيـنـب عـلـى الـتل تنادي..... وين الضياغم رجـّت بـحـنـهـا والـنحيب الوادي ..... والدمع ساجم ويـن الـتـحـامـي مـخـدرات الهادي..... وين الهواشم زيـنـب  تـنـادي.... ويـن إخـوتـي المايندرس  ماضيها شـمـا حـشـّمـت ماواحد من إخوتها....... مسرع لفاها عـونچ يـلـبـّيـهـا ويـرد لـهفتها....... ويبطل  بچاها لـلـمـعـركـه  تـعـنـت تهل دمعتها..... ومعلن  نداها زيـنـب تـنـادي...... ومـنـيـن إجتنه كربله و  واديها حـنـّت  وشـبچت عـلى الراس العشره .... بوسط  المعاره وتـجـلـّب جـسـوم الـخذم عالغبره...... ودمها يتجاره وتـنـادي  ويـنـك يـاعـزيـز الزهره..... ماتم لي  چاره زيـنـب  تـنـادي.... يـحـسـين دگعد لختك  وحاچيها مـن شـاهـدت جـسـم الـحسين موذّر..... وذرة وذره بـحـد الـصـوارم وبـدمـاه مـعفـّر...... مهجة الزهره وصـدره بـحـوافـر خـيل أميه مكسـّر.... صاحت بعبره زيـنـب تـنـادي...... يـحـسـين ليش بجثتك  موذريها طـاحـت  عـلـى جسمه وتحبه بنحره...... وگطعت الظنه شـاهـدت دم طـبـره يـصـك بطبره......وأيـّست منه ودعـتـك  الله  يـا چتـيـل الـعـبره...... صاحت  بونه زيـنـب تـنـادي....... يـحـسين عيني من البچه  لعميها تـنـادي يـخـويـه وبـالترب تتوارى...... بيك  إفجعوني يـاريـع گلـبـي ويـا نـمـيـر أثماره..... ياضوه  عيوني بـديـرة غـرب وبـهـالـحـرم مـحـتاره.... لا تخلوني زيـنـب  تـنـادي..... مـاتـنـتـهـض لعيالك  تحاميها بـالليالي  عيون هاشم چي تنام...والمنازل نشرت سود  الأعلام لـو  عـماها  السهر أبدا ما تنام...والحزن كل جيل زاد  بجيلها جيل عن جيل الحزن عدهم يزيد...لا يملون ومسوا يصبح جديد مـا  يـطيب الجرح نوح ولا يهيد...لو دموع العين دم  تسيلها