وخـلـصـت عـالـمـشـرعـه اليوم  روحي لاكـفـيـل  ولا خـيـم.... وانه بعيوني  السهم وخـلـصـت عـالـمـشـرعـه اليوم  روحي زيـنـب  بـلـيـلة الحادي عشر مصيوبه  بنظرها وعـلـى  نـار الخيم تمشي بكربله وتسحب  جمرها ((گطـب)) وبگلب النوايب والفلك يسري  بأمرها مـاشـاهدت  عين البشر... حرمه ولت بيد  الدهر تـمـثـل  لعد هاشم گمر... ترعى العيال بخطرها حــارس ومــاشـافـت الـنـوم  زيـنـب لـيلة  الحادي عشر ........ صاحت وصاح السهر وخـلـصـت عـالـمـشـرعـه اليوم  روحي يـاخـتـي  يام كلثوم هذا الليل هالچلچل  ظلامه گومـي نـتـفگد عـيـال حـسين ونلم  اليتامه وظـلـت  مـن الخيم خيمه وبيها لأبن أمي  علامه والـمـرض حكم صفرته..... بگلبه يگص بچبدته لـوشـاهـد عـيـال إخوته... بلچه يتهنى  بمنامه والـعـلـيـل تـحـارب الـنـوم  عـيـنـه وهـل بـيـتـه مـذبـحه......وبالمعاره مطرحه وخـلـصـت عـالـمـشـرعـه اليوم  روحي مـا  تـروع گلـب زيـنب إلا من فگدت  يتيمه وگفـت  بـصـدر المعاره عگب ما گطعت  الهونه وصـاحـت بـصوت المصيبه راحت الطفله  غنيمه ولجسم  أخوها توجهت..... تدرون ياناس  إشلگت من  النحر والطفله اسمعت.... يالعلي والله  شهضيمه مـن گطـع راسـك يـامـظـلـوم ((  بيّـه)) إنـت  سـابـح بـالدمه... وانه صك عيني  العمه وخـلـصـت عـالـمـشـرعـه اليوم  روحي گومـي  عن إبن أمي گومي حربة المصاب  شتچيده مـثـل  رمـح الطعن گلبه وگطت بگلبه  الحديده لـو مـثـل سـهـم المثلث لو مثل حزت  وريده تـدريـن  چتـالـه الضمه..... وجثة أبوچ مخزمه وضلوع صدره مهشمه.... وگاطع الجمـّـال إيده خــل  نــلــم جـروحـه ونگوم  عـنـه لا  يـوافـيـنـه الأجـل.... وانگطع منه  الأمل وخـلـصـت عـالـمـشـرعـه اليوم  روحي گطـعـت الضنه من أخوها بت رسول الله  وحبيبه مـشـت مـن هـاي المصيبه وردت بذيچ المصيبه لـلـعـلـيـل وجسمه دامي وگلبه ما يخمد لهيبه أمـنـت گلـبه وأمنت... من شافته ويمه  إگعدت وعـيـن الـغـريبه لو بچت... حتى دمعتها غريبه يـابـن  أخـويـه شـعـمـلـت الگوم  بـينه والـزلـم راحـت چتـل.....وإنذبح حتى  الطفل وخـلـصـت عـالـمـشـرعـه اليوم  روحي هالله  هالله شـلـون لـيـله هزت الأرض  وسماها مـن گلـب مگيـول زيـنب للسما يصعد دعاها يـا إلـهـي بـدم أخـوتـي كربله إنصبغت تراها يـاربـي ضحيت إخوتي... روحي ودليلي ومهجتي يـاربـي درحم غربتي.... وشوف العيال  اشدهاها وإنــت مـا تـخـفـاك الـعـلـوم  يـارب مـن قـبـيـل الـتـضحيه.... تحفظ إلنه  الباقيه وخـلـصـت عـالـمـشـرعـه اليوم  روحي