الشاعر المرحوم الشيخ كاظم منظور الكربلائي - 12/07/2009م - 6:05 م | عدد القراء: 6201
يـاخـوتـي يـاخـوتـي.... يـاهـلـي ويـاخـوتـي
صـفت الليل عيوني... وشعدكم توصوني...ياهلي وياخوتي
زيـنـب بـخـيـمـتها وتجلب تجليب..... حسبة التجيها
لـيـلـة خـطـر ليلة فزع ليلة ريب........ مرت عليها
لـن تـشـم بـاركان الخدر نغمة طيب...... شوفة وليها
شــوفـتـي شـوفـتـي.... نـادتـه بـشـوفـتـي
نـورك خـمد چانوني....صفت الليل عيوني...ياهلي وياخوتي
هـونـت مـن شـافـت چفيل المأمون..... سيفه بيمينه
حـارس خـدرهـا والـخـدر بيه مضمون.... إخوتها عينه
ويـنـادي هـونچ يـاوديـعـتـنـه يهون.... لاتفجعينه
چبــدتــي چبــدتــي..... نــادتـه چبـدتـي
مـالومه لا تلوموني.... صفت الليل عيوني...ياهلي وياخوتي
ومـن شـافـت الـرايـه بيمين المهيوب..... يرفل سعدها
ولـزمـت الرايه بگلب مدمي ومصيوب.... بسهم الضهدها
وصـاحـت يامن بيك الوفه فصل ثوب.... إختك گصدها
رادت_ــي رادت_ـي.... ت_ـع_ـل_ـم ب_ـرادت_ـي
ارعـاكـم وراعوني.... صفت الليل عيوني...ياهلي وياخوتي
وعـبـاس بـيـمـيـنـه الرمح يتموع..... فصم جعوده
وداس بـرچاب مـطـهـمه وتگطع...... من طفح زوده
والـزيـنـب بـدم الـوريـد تـبرع..... وشمعة وجوده
ظــنــتــي ظـنـتـي.....يـخـوتـي ظـنـتـي
للموت ماتعيفوني...... صفت الليل عيوني...ياهلي وياخوتي
وحـسـيـن مـن شاهد عزم راعي الباس..... نار يتلاهب
كـفـي الـعـتب لا تعتبين العباس...... صاح على زينب
خـل نگعـد بـهـاي المسيه ولا باس .... ياختي إنتحاسب
ذمــتــي ذمــتــي..... مـحـاسـبـه ذمـتـي
زيـنب آنه وتدروني.... صفت الليل عيوني...ياهلي وياخوتي
يـاحـسـيـن وإنـتـم راشـدين النيه.... والجو عدامه
وآنـه بـكـفـالـة هـالـحرم مبليه..... وارعى اليتامه
وانچسـي بـعـزكـم وأوگع بـمـاضيه... لحفظ الكرامه
هــمــتــي هـمـتـي.... صـادگه بـهـمـتـي
مضمونك ومضموني..... صفت الليل عيوني...ياهلي وياخوتي |
