يـا  مـسـمـوم جـيـنه  الدارك ذكـراك يـالـكـاظم تعيش  اويانه زوارك احـنـه سـيـدي و  انعاهد جـسـر  الأيمه  اعلينه أوضح شاهد يـا مـن عشت بين السجن و  الغربه يـا  الـكـاظم و منك ورثنه النكبه شيعتكم احنه و نسحك اعله الأخطار مـيهمنه كل اللي جره اعلينه و  صار جـسـر الأيـمه يسأل ايريد اجواب لـلـعـالم انفضحت رموز  الإرهاب جـسـر الأيـمه اختفت كل أحبابي ذبـح  اخوتي  و كل هلي و  أصحابي فـاجـعـة  هـذا الجسر من نتذكر نـجـري دمـعنه اعله الجره  نتحسر اجـنـازتك  فوق الجسر من  خلوها ابـنـفس  المكان  الشيعتك  غدروها

صــرنـه  الـيـوم  مـن زوارك لـلـيـوم نـحـمل لوعة  السجانه مـبـدأنـه يـبقه اوياك مبدأ  واحد لـزيـارتـك  ضـحينه حته  ادمانه عـانـيـت  أهوال السجون الصعبه شـفـنـه  الظلم  و الجور يا مولانه عـل  الموت نمشي و جينه يمك  زوار و انـظـل انـواصل بالدرب  ممشانه هـالـفاجعه اللي صارت ابيا  أسباب هـذي بـقـايه امن الحكم و  أعوانه الله يـلـعـن كـل رجـس إرهابي و اعـلـه الـهـويـه ننذبح  خلانه فـاجـعـة  سجنك  سيدي  نتصور انـشـارك  ضـمـير العالم  باحزانه نـفـس  الأيـادي الحادثه  ارتكبوها جـددوا  حـزن امصابك و  أشجانه