لــيــلــه ســعـيـده
شـعـبان بيوم الرابع تزهي العوالم
لــيــلــه ســعـيـده
بـمـهد الفخر عباس يسطع جبينه
الـدار الإمـامه اليوم كلنه اعتنينه
ورد الـخـمـيـلـه
جـيـنه انقدمها الحيدر بحر المكارم
لـيـلـة سعد و أنوار باتت زهيه
أنـقـل الـك أسرار جانت خفيه
وبــهــالـــروايـــه
تـاريـخ العتره ايسجل هاي المعالم
هـالـمولود بمعناه خير و مكاسب
هالحره شافت طيف أربع كواكب
شــافــت قــمــرهـا
شـافـت بـالطيف أربع ضياغم
أم الـبـنـين بهاي نالت قصدها
هـالاربـعـه الأطهار بيهم مجدها
مــصــدر عــلـمـهـا
بـهـذا الـمولود الأول نات مغانم
مـن ولـدت الـعباس هالليله أمه
شالت اخوها بشوق تمشي و تشمه
بـيـن ايـد أبـوهـا
مـحـد يعلم بالفرحه بس ربها عالم
زيـنـب تصد لعيون والدها حيدر
يـتـمـثـل العباس ابنه و تبشر
شــاف ابــنــه شـايـل
عـباس ايشابه حيدر نفس العلايم
بـمولد حليف الزود كلنه ابتهجنه
هـذا الرسم بالطيب صفحة نهجنه
اشـمـوع الـــولاده
فرحة شعبان و جمعت كل المواسم |
|
فــرحــه جــديــده
هالليله ايصادف مولد بدر الهواشم
فــرحــه جــديــده
مـن وجه يعكس نور أرض المدينه
و مـن الـورد اكليل نحمل بدينه
ســحــر الــجـديـلـه
و انـشـارك مـولد بدر الهواشم
مـن مـولد العباس طيب السجيه
أظـهـرها باري الكون رب البريه
كـشـف الـخـفـايـه
و بـها الأسرار المحور بدر الهواشم
و أم الـبـنين بهاي رسمت مناقب
ايـشـابهون أوصاف بدر الغوالب
يــهــوى بــحـجـرهـا
أول ضيغم من عدهم بدر الهواشم
من شاهدت بالطيف فلدت جبدها
عـيـنتهم العباس كوكب سعدها
فــســر حــلــمـهـا
عـباس اسمه و يتسمه بدر الهواشم
لـن زيـنـب بهالحال موجوده يمه
الوالدها راحت بيه و الصدره ضمه
خـلـت أخــوهــا
زيـنب فرحانه بمولد بدر الهواشم
شافت وميض أسرار من عدها تظهر
أده الـلـزوم اويـاه و باذنه كبر
نــفــس الــشـمـايـل
شـيـمة حيدر يتمثل بدر الهواشم
بـسم القمر عباس صحنه و لهجنه
شـمـع الفرح لو ذاب نعلق مهجنه
تــضــوي بــســعـاده
و الـدنـيه اتنور بهيبة بدر الهواشم |
