هـذا الـحـفـل تـأيّد ... صلي على محمد
لـيـلـة سـعـاده ... فـرحـه و عـباده
صـلـي عـلـى مـحـمـد
يـا مـن تـسـأل علينه ... إسمع طيبة حجينه
بـالـحـب للحفله جينه ... نحيي فرحة نبينه
مـرسـل من عدنه بينه ... هادي وبيه اهتدينه
يـسطع بالحب جبينه ... و احنه ابنهجه إكتفينه
شـوكَ إووفـه و تـرافه ... يحمل فرح زفافه
و الـبـاري راده ... فـرحـه و عـبـاده
صـلـي عـلـى مـحـمـد
لـيـلـة فـرحه و هدايه ... زفّة سيد البرايه
لـلـعـز صارت بدايه ... تحمل أروع سجايه
امن الرب نالت عنايه ... رحمه و طيب و رعايه
صـارت هـالزفة آيه ... تكشف طيب النوايه
ثـوب الـعرس نسيجه ... للمصطفى و خديجه
و ثـوب الـسـيـادة ... فـرحـه و عباده
صـلـي عـلـى مـحـمـد
زفّـوا شـمس العداله ... الكوكب نور الرساله
و عـيّـن رب الـجلاله ... محفل ما صح مثاله
يـحـمل طيب و أصاله ... أصبح للحب دلاله
الـهادي إبمطلع جماله ... و طيبة ذاته و خصاله
زفّـة عـرس نـبـيـنه ... و شمعة فرح بِدينه
و يـشـهـد شـهـاده ... فـرحه و عباده
صـلـي عـلـى مـحـمـد
الـلـيـلة فرحة و تهاني ... تحمل أروع معاني
و أجـمل و أغله الأماني ... يعجز يوصف لساني
مـحـفـل سـر الـمثاني ... أوحد ما مثله ثاني
مُرسل عاش إبكياني ... وروحي و كَلبي و حناني
إي و الـذي نـعـبـده ... سيد الرسل نوده
و نـعـرف وداده ... فـرحـه و عـبـاده
صـلـي عـلـى مـحـمـد
مـحـفّـل هـادينه إلنه ... بالحب يجمع شملنه
و احـنه انصبنه حفلنه ... ابعرسه الليله احتفلنه
ابـجـفـة هادينه شلنه ... شمعة حبنه و أملنه
ابـفرحة عرسه انشغلنه ... رحمه و بيها انشملنه
إوثـانـي فـرح تـوهّج ... شبل الحسن تتوّج
ابـتـاج الـقـيـاده... فـرحـه و عـباده
صـلـي عـلـى مـحـمـد
تـحـيي محفل ختامه ... المهدي حصّل وسامه
إمـتـوج تـاج الزعامه ... وارث نور الإمامه
يـحـمـل عفّه و شهامه ... شرّع نهج الكرامه
بـالـحـق أصبح هيامه ... ينصر دينه و نظامه
نـال و كـسب مناله ... و تاج الفخر حِلاله
و هـاي الـريّـاده ... فـرحـه و عـباده
صـلـي عـلـى مـحـمـد
فـرحـه و تحمل بشاير ... بهجه اتسر الخواطر
مـهـدي للعصمه آخر ... لابس تاج المفاخر
لـلحق يهدي البصاير ... بسمه نحجي و نجاهر
انـبـايـع بيعة ضماير ... نتبع دربه و نناصر
صـاغ الأمل وجوده ... و الرب ظمن خلوده
و مـسـلـك رشـاده... فـرحـه و عباده
صـلـي عـلـى مـحـمـد |
