يـالتخدم  أهل البيت .... أشرف طريق  إمشيت و أشـرف بـدايـه .... درب الهدايه .... إلك يـالـتـخـدم الأطهار .... هاك إستمع  أخبار يـوم الـحشر لو صار .... ما تمس جسمك نار هـالأمـر مـو مجهول .... كل الأخبار  اتگول صـك الـشـفاعه إتنول .... من عترة  المختار ابـحب إثنعش معصوم .... عندك درب  مرسوم خـل  إتـصـالـك دوم .... بـالعترة  الأبرار هـمَ الـذي ايـنـجوك .... من الخطر  يحموك و  بـديـنـك يـوصـوك .... لا تترك الآثار سـيـر  ابـدربهم سير .... عن معرفه و  تفكير ابـحـكمه و درايه .... درب الهدايه ....  إلك لا تـبـعـد إبـمسراك .... هاك النصايح هاك سـيـد  الـرسل وصاك .... لا تخدعك  دنياك لا تـمـشـي عالحبلين .... و بعينك إنظر  زين لـمـن تـغـض الـعـيـن .... تتعثر بممشاك إعـمـل  ابـطيب الذات .... و العمل بالنيات لـو حـلـت الشدات .... عين اللطف  ترعاك و إتـخـبـرك الأعراف .... من تخدم الأشراف يـوم الـحـشر لتخاف .... إتنول النعيم إهناك و  يـوم الـقيامه إتفوز .... و إعله الجنان إتحوز يـمـحـي الخطايه .... درب الهدايه ....  إلك إمـن  الـخالق الرحمان .... كل حكمه  بالقرآن نـرسـمـهـا بـالأذهان .... نكتبها بالوجدان مـن مـجـمل الإسلام .... شاهدنه  بالأحكام آل الـنـبـي الأكـرام .... بيها العدل ينصان هـمَ  الـحـجج عالناس .... لهل العدل نبراس بـيـهـم رفـعـنه الراس .... و إتعمر  الإيمان هـذا  الأمـر مـذكور .... ربك جعلها  إبدور إبـعـرش الجلاله إتنور .... و إزدهرت  الأكون إعـلـيـهـم  روايـه إتـشير لو رايد التفسير إتگول الـروايـه .... درب الـهدايه .... إلك يـالـتـخـدم  الأسـياد .... بارينه منك  راد تـلـتـزم بـالإرشـاد .... و إتـوفي  بالميعاد ابحكم  السنن مكتوب .... حفظ الوعد  مطلوب تـدري الـعمل محسوب .... بالوزن و  الأعداد غـيـر الـعـمـل ميفيد .... نهج الأيمه  ايريد تـلـتـزم بـالـتـوحيد .... و اتحقق  الأمجاد مـنهجهم الإصلاح .... گلبي اويه گلبك  صاح إنـشـاركـها  بالأفراح .... نفرح إبكل  ميلاد نـنـصـب مـحافل نور .... و إنطبق الدستور كـشـف الـخفايه .... درب الهدايه .... إلك گلـب  المحب  مشروح .... بمولد حبيب  الروح بـاب الـخـلد مفتوح .... عطر الموده  إيفوح هـالـلـيـلـه  فرحانين .... بخاتم  المعصومين مـن عـالـم التكوين .... مصدر شعاعه إيلوح ابـها الحفل المنصوب .... فرحة مهج و  إگلوب تـسـتـقبل المحجوب .... جفن النظر  مشبوح إگلوب و مهج هاليوم .... بالذكرى أيادي إتحوم بـيـها  الفرح مرسوم .... إلها الطرب  مسموح و ثـانـي فـرح لـو عاد .... مهدينه  عالميعاد بـأعـظـم نـهايه .... درب الهدايه ....  إلك نـسـأل مـن الـمعبود .... إعلينه بحنانه إيجود إنـريـد  الزمان إيعود .... بحق صاحب  المولود عـاش  الأمـل وياي .... و الفرحه تكمل هاي تـظـهـر شـمس دنياي .... من يظهر الموعود نـحـسـب اسنين اسنين .... للطلعه  منتظرين بـيـا سـاعه و بيا حين .... الغايب يرد  اردود إنـجـدد فـرح ذكراه .... للمهدي لو  شفناه بـالـفـرحـه  نـتلگاه .... ننثر عليه  إورود يـا  ساعه  نوره إيلوح .... و يخمد لهيب  الروح بـيـه  الـكـفايه .... درب الهدايه ....  إلك