تــنــذبــح ظــامــي ... خــابــت أحـلامـي
و آنـه جـانـت ظـنتي ... انت تحضر دفنتي ... (آه آه آه يبني)
يـا عـطـر زهـرة حـيـاتي و يا نسيم اللي يمر ... يبني يالأكبر
يـعـيـنـي ظل يمرح خيالك يامن تركت الجمر ... بالگلب يسعر
يـالـمـتـت ظـامي و عفتني ضايعة بگاع الصبر ... بيمن أتصبر
حـسـبت لو خلص عمري انت تحفر لي الگبر ... و للدفن تحضر
يــا وســف تــالــي ... ضــاعــت آمــالـي
جـنـت أظـن يا منيتي ... انت تحضر دفنتي ... (آه آه آه يبني)
جـيـتـك الـمصرعك يبني لن اشوفك منذبح ... و اقعدت يمك
تـخـيـلـت جـدك محمد عالترب دمه يسح ... من شفت دمك
حـرت يـاطـبرة اشدها و راح اضمد ياجرح ... حايرة بجسمك
شـمـا اضـمـد جـرح مـنك جرح ثاني ينفتح ... يا بعد أمك
تــنــزف جــروحــك ... غــيــبــوا روحـك
حـسـبـت يـا ضنوتي ... انت تحضر دفنتي ... (آه آه آه يبني)
غسلت يا وليدي جسمك من دمع عيني اللي يصب ... يا بعد عمري
وگطـعـت گلـبي بيديًّ و يمك انثرت الگلب ... و الدمع يجري
ريـت لا يـنـحـفـر گبرك ريت يبني بهلترب ... ينحفر گبري
انـت بـالـمـصـرع يالأكبر و آنه بديار الغرب ... حايرة بأمري
بــلــوعــة امــصــابــي ... جـمـرة اصـوابـي
جـنـت اريـد بـموتتي ... انت تحضر دفنتي ... (آه آه آه يبني)
يـبني كل حسبة احسبتها طلعت بعكس الجمع ... و اختلف حالي
گلـت افـرح تـالـي عمري لني بس اجر الدمع ... يبني يا لغالي
گلـت مـن تـكـبر تسرني لن اشوفك منصرع ... و طايح گبالي
قـلـت انـت الوالي عندي تالي صرت بهلوضع ... انه ماالي والي
جــانــت اظــنــونــي ... مــن يــدفـنـونـي
انـت تـحـفـر حفرتي ... انت تحضر دفنتي ... (آه آه آه يبني)
يـبـنـي يـا أشـبه الوادم بالنبي سيد البشر ... وجهك اليسطع
بـيـنـك و بـين ابو اليمة حيرة حيرني الدهر ... و كلمن بمصرع
مـرة يـم حـسين اروحن و امسح دموم النحر ... جسمه الموزع
مـرة يـم جـسمك يالأكبر ارجع بنوح و قهر ... و اسفح المدمع
و يــرجــع احــســابـي ... لـسـاعـة غـيـابـي
مـن اودع دنـيـتـي ... انـت تحضر دفنتي ... (آه آه آه يبني)
مـاجـنـت ادري يـعـذب هـاكثر فقد الإبن ... دمعتي تخبرك
لـمـن فگدتـك عـرفته و عرفت معنه الحزن ... و فگدت بدرك
تـوذر عـلى الگاع جسمك بين طبرات و طعن ... و انگطع نحرك
ريـت ذبـاحـك ذبـحني و ريت وياك اندفن ... و اسكن بگبرك
ضــاعــت اســنــيــنـي ... و انـت تـدريـنـي
هـذي يـبـنـي غـايتي ... انت تحضر دفنتي ... (آه آه آه يبني) |
